Thursday, May 13, 2021

Latest Posts

ఇండస్ట్రీకి లాక్ డౌన్ దెబ్బ  – మార్పులు ఖాయమా 

National lockdown impact on cinema industry:

కరోనా దెబ్బకు  దాదాపు అన్ని దేశాలు లాక్ డౌన్ ప్రకటించాయి. దీంతో అందరూ ఒక్కసారిగా ఇంటికి పరిమితం అయ్యారు. ఇక  ఈ లాక్ డౌన్ ప్రతి ఒక్క సంస్థపై ఆర్థికంగా ప్రభావం చూపిస్తుందనడంలో ఎలాంటి సందేహం లేదు. అయితే లాక్ డౌన్ తర్వాత పరిస్థితి గురించి అందరూ చర్చిస్తున్నారు. ముఖ్యంగా  ఎంటర్టైన్మెంట్ ఇండస్ట్రీలో ఇది కొత్త మార్పులకు దారితీయవచ్చు.  లాక్ డౌన్ తర్వాత థియేటర్లకు ప్రజలు వెళ్లినా యావరేజ్ సినిమాల కు ఇక కాలం చెల్లినట్టే అంటున్నారు.  వాస్తవానికి  సంక్రాంతి సినిమాలు ‘అల వైకుంఠపురములో’.. ‘సరిలేరు నీకెవ్వరు’ సినిమాలను ఎగబడి చూసిన ప్రేక్షకులు ఆతర్వాత  ‘డిస్కో రాజా’.. ‘వరల్డ్ ఫేమస్ లవర్’ లాంటి సినిమాలను పూర్తిగా రిజెక్ట్ చేసేసారు.

సామాజిక దూరం పాటించాలన్న మాట బాగా వినిపిస్తున్న నేపథ్యంలో  ‘లిప్ లాక్ లు వంటివాటితో నింపేద్దామనుకుంటే రిజెక్ట్ కావచ్చు. మొత్తానికి ఇండస్ట్రీలో పెనుమార్పులు తధ్యంఅంటున్నారు.  దీన్ని బట్టి  ఫ్యూచర్ లో సాధారణ సినిమాలను పట్టించుకునే ఛాన్స్ లేదు. ముఖ్యంగా  చిన్న సినిమాల కోసం ప్రేక్షకుల థియేటర్ల మొహం చూస్తారన్న గ్యారంటీ అయితే లేదు.ఇలాంటి పరిస్థితుల్లో నిర్మాతలు తమ సినిమాలను డైరెక్ట్ గా నెట్ ఫైల్క్స్, అమెజాన్ ప్రైమ్, హాట్ స్టార్, జీ5, ఎంఎక్స్ ప్లేయర్, సన్ నెక్స్ట్ లాంటి ప్లాట్ ఫామ్స్ డైరెక్ట్ రిలీజ్ చేయవచ్చు. ఇక ఈ ఓటీటీ ప్లేయర్స్ అందరూ కలిసి సంయుక్తంగా నిర్మాతలకు ఓ ప్యాకేజ్ కింద చెల్లించే ఆకవకాశాలు కూడా ఉన్నాయని టాక్.  నిర్మాతలు కూడా సంప్రదాయ పద్ధతుల్లో థియేటర్లలోనే తమ సినిమాలను విడుదల చేయొచ్చు.

థియేటర్లకు ఓపెన్ చేసిన తర్వాతప్రదీప్ ’30 రోజుల్లో ప్రేమించడం ఎలా’.. నాని ‘వి’ లాంటి సినిమాల వచ్చే ప్రేక్షకుల సంఖ్య, కలెక్షన్లను బట్టి నిర్మాతల్లో టెస్ట్ మారవచ్చు. రిలీజ్ కు రెడీ గా ఉన్న మోస్ట్ ఎలిజిబుల్ బ్యాచ్ లర్.. లవ్ స్టోరి.. నిశ్శబ్దం.. రంగ్ దే.. లాంటి సినిమాలు ఎలా రిలీజ్ అవుతాయి అనేది ‘వి’ కి వచ్చే రెస్పాన్స్ పైనే ఆధారపడి ఉంటుంది. నిర్మాత కోణంలో ఆలోచిస్తే థియేటర్లో , డిజిటల్ ప్లాట్ ఫామ్ లో  రిలీజ్ అయిందా అనే అంశం కంటే తమ పెట్టుబడి వెనక్కు వచ్చిందా లేదా అన్నదే ముఖ్యం. థియేట్రికల్ రిలీజ్ లేకపోయినా, నామమాత్రంగా ఉన్నా నిర్మాతలకు తమ పెట్టుబడి తిరిగి వచ్చే పక్షంలో థియేట్రికల్ రిలీజ్ మాత్రమే కావాలని పట్టుబట్టగా పోవచ్చు.  ఏది ఏమైనా మారిన దేశ కాలమాన పరిస్థితులకు అనుగుణంగా  మార్పులు తధ్యమంటున్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss