Sunday, June 13, 2021

Latest Posts

సీతాకోక చిలుక ఫీల్ తో ‘ఉప్పెన’

Uppena-Nee Kannu Neeli Samudram song launched by koratala siva

సుకుమార్ శిష్యుడు బుచ్చిబాబు సానా దర్శకుడిగా పరిచయమవుతున్న, వైష్ణవ్ తేజ్, కృతి శెట్టి జంటగా నటిస్తోన్న ‘ఉప్పెన’ చిత్రం పాటను సూపర్ డైరెక్టర్ కొరటాల శివ రిలీజ్ చేసారు. మైత్రి మూవీ మేకర్స్, సుకుమార్ రైటింగ్స్ బ్యానర్స్ సంయుక్తంగా నిర్మిస్తున్న ఈమూవీకి రాక్ స్టార్ దేవి శ్రీ ప్రసాద్ సంగీతం సమకూరుస్తున్నాడు. ఈ చిత్రంలోని ‘నీ కన్ను నీలి సముద్రం’ అనే పాటను కొరటాల శివ సోమవారం సాయంత్రం 4 గంటల 5 నిమిషాలకు విడుదల చేశారు.శ్రీమణి రాసిన ఈ పాటను జావెద్ అలీ ఆలపించారు.ఈ కార్యక్రమంలో సుకుమార్, వైష్ణవ్ తేజ్, బుచ్చిబాబు పాల్గొన్నారు.

ఈసందర్బంగా కొరటాల శివ మాట్లాడుతూ.. ‘‘ఈ వేసవికి ఇంతకంటే చల్లనైన, చక్కనైన సినిమా రాదనేది నా ప్రగాఢ నమ్మకం. డైరెక్టర్ బుచ్చిబాబు ఈ కథ ఫస్టాఫ్ ఒకసారి, సెకండాఫ్ ఒకసారి చెప్పాడు. అతను కథ చెప్పిన విధానం, ఆ డీటైలింగ్ చూసి ఈ సినిమా ఏ రేంజ్‌లో ఉంటుందోనని అప్పుడే అనిపించింది. ప్రతి ఫ్రేమ్‌ను తను ముందే చూశాడు. నాకు తెలిసి ఇంత చక్కని విలేజ్ లవ్ స్టోరీ ఈ మధ్య కాలంలో రాలేదు. నన్ను బాగా ఇన్ స్పైర్ చేసిన సినిమా ‘సీతాకోకచిలక’. అది నా చిన్నతనంలో వచ్చింది. నిజాయితీగా చెబుతున్నా.. అలాంటి ఫీల్ ఉన్న సినిమా ‘ఉప్పెన’ అని నేను నమ్ముతున్నా’అని చెప్పాడు.

‘నీ కన్ను నీలి సముద్రం’ సాంగ్ చాలా బాగుంది. దేవి శ్రీ ప్రసాద్ సంగీతం గురించి చెప్పాల్సింది ఏముంటుంది! కథకు దేవి మ్యూజిక్ తోడైతే సినిమా ఎలా ఉంటుందో అర్థమైపోయింది. వైష్ణవ్ తేజ్ స్క్రీన్ ప్రెజెన్స్ వండర్‌ఫుల్. చాలా చార్మింగ్‌గా ఉన్నాడు. అతను స్క్రీన్ మీద కనిపిస్తుంటే, పక్కన అందమైన హీరోయిన్ ఉన్నా సరే, కళ్లు అతని వైపే ఉంటున్నాయి. వైష్ణవ్‌కు ఇంతకంటే బెటర్ డెబ్యూ రాదనుకుంటున్నా. అతనికి మంచి భవిష్యత్తు ఉంటుందని ఆశిస్తున్నా. ఈ సినిమాకు పనిచేసిన అందరు నటీనటులకు, సాంకేతిక నిపుణులకు నా శుభాకాంక్షలు. ‘ఉప్పెన’ పెద్ద విజయం సాధించాలని మనస్ఫూర్తిగా కోరుకుంటున్నా’’ అని కొరటాల శివ పేర్కొన్నారు

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss