Thursday, May 13, 2021

Latest Posts

నువ్వే కావాలి మూవీ రీమేక్ ఎలా అయిందో తెలుసా

Nuvve kavali movie Remake history

అవును నువ్వే కావాలి మూవీ 230సెంటర్స్ లో 100రోజులు, 30సెంటర్స్ లో 200రోజులు,6సెంటర్స్ లో 365రోజులు ఆడింది. నైజాం లో ఏడుకోట్ల షేర్ రికార్డ్ సృష్టించింది. అన్ని చోట్లా కల్పి 18కోట్ల షేర్ కలెక్ట్ చేసిన ఈ మూవీ  హైదరాబాద్ థియేటర్ లో 100వ రోజు అమ్మాయిలు అబ్బాయిలతో నిండిపోయింది. సాంగ్స్ మళ్ళీ ప్లే చేయాలనీ గొడవ చేయడంతో పోలీసులు ఎంటర్ అయ్యారు. అంతలా ఈ సినిమా యూత్ లో దూసుకెళ్లింది. దాదాపు 16రెట్లు లాభాలు  సాధించి అందరినీ స్టార్స్ గా మార్చిన మూవీ నువ్వే కావాలి పేరుకి  చిన్న సినిమా అయినా బ్లాక్ బస్టర్ అయింది. స్రవంతి రవికిశోర్ నిర్మించిన ఈ మూవీని కె విజయభాస్కర్ డైరెక్ట్ చేసాడు. కోటి మ్యూజిక్ అదిరింది.

ఈ సినిమా వివరాల్లోకి వెళ్తే, .. మలయాళ మూవీ నిరం సంచలన విజయం సాధించడంతో ముత్యాల సుబ్బయ్య ,భీమినేని శ్రీనివాసరావు తెలుగు రీమేక్ హక్కుల కోసం ట్రై చేసారు. కానీ అప్పటిదాకా కేవలం  రెండు మూడు లక్షలుండే రైట్స్ ఈ సినిమాకు వచ్చేసరికి  70లక్షలు చెప్పడంతో వాళ్ళు వదిలేసారు.  అయితే జెడి చక్రవర్తికి,నిరం డైరెక్టర్ కి మంచి రిలేషన్  ఉన్నందున  అతడి ద్వారా స్రవంతి రవికిశోర్  ట్రై చేయడంతో 5లక్షలకే బేరం కుదిరింది  ముందుగా మహేష్ బాబుతో చేయాలనీ సిడి పంపితే నెలరోజులయినా  రెస్పాన్స్ రాలేదు. దాంతో సుమంత్ ని అడిగ్గా, అప్పటికే రెండు పెద్ద సినిమాల వలన కుదరలేదు. కొత్తవాళ్లతో తీయాలని ప్లాన్ చేస్తే, 75లక్షల బడ్జెట్ తేలింది.

అంత ఖర్చు భరించడం కష్టమని ,రామోజీరావు సహకారం అడిగారు. జీతం ప్లస్,20శాతం లాభం ఇస్తామని, ప్రొసీడ్ అవ్వమని చెప్పడంతో  రవికిశోర్ రెడీ అయ్యాడు. టివిలో యాడ్ చూడగా , కుర్రాడు క్యూట్ గా ఉన్నాడు ఎవరా ఆరా తీస్తే,రోజారమణి కొడుకు తరుణ్ అని తేలింది. దాంతో అతడిని ఆడిషన్స్ కి పిలిచారు. జ్వరం ఉన్నా సరే, ఆడిషన్స్ కి వచ్చి,సెలెక్ట్ అయ్యాడు. హీరోయిన్ గా రిచాను సెలెక్ట్ చేసారు. డైరెక్టర్ గా విజయభాస్కర్ ని, స్క్రిప్ట్ రైటర్ గా త్రివిక్రమ్ ని పెట్టుకున్నారు. కోటి సూపర్ హిట్  బాణీలు అందించాడు. రామోజీ ఫిలిం సిటీలో 90శాతం షూటింగ్ చేసారు.  కోటి 15లక్షలు బడ్జెట్ అయింది. 13అక్టోబర్ 2000లో 36సెంటర్స్ లో రిలీజయింది. బాగుంది అనే టాక్ తో మొదలై యమ  రేంజ్ కి వెళ్ళింది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss