Tuesday, January 19, 2021

Latest Posts

పవన్ ని కడిగేస్తూ పాల్ రీ ఎంట్రీ

రాజకీయాల్లో ఏదైనా సాధ్యమే .. ఎవరు ఏదయినా చేయొచ్చు .. పార్టీ పెట్టొచ్చు ,తిట్టొచ్చు ,.. ఇలా అన్నీ చేసేయొచ్చు. దీనికి ప్రత్యేక అర్హత అంటూ లేదుమరి. ఇక అసలు విషయానికి వస్తే, మొన్నటి ఏపీ ఎన్నికల వేళ ప్రజాశాంతి పార్టీ వ్యవస్థాపకులు కేఏపాల్ ఎన్నికల్లో పోటీకి దిగి చేసిన హంగామా, పంచిన వినోదం ఏ రేంజ్ లో ఉందొ అందరికీ ఎరుకే. తనదైన చేష్టలు వింతైన హావభావాలు సంచలన వ్యాఖ్యలతో కేఏపాల్ రోజూ వార్తల్లో నిలిచారు. ఎన్నికలు ముగియడంతో అమెరికా వెళ్లిపోయారు. ఆడపాదడపా మాత్రమే వీడియోలు విడుదల చేస్తూ ఉన్నానులే అనిపించారు.

అయితే తాజాగా మరోసారి ఏపీ పాలిటిక్స్ లో రీ ఎంట్రీ ఇచ్చారా అన్నట్టు విమర్శల జడివాన కురిపించారు. దీనికి కారణం బీజేపీ-జనసేన పొత్తు పెట్టుకోవడమే. అవును ఈ పొత్తుపై కేఏపాల్ తనదైన శైలిలో స్పందిస్తూ ,పవన్ పై సంచలన వ్యాఖ్యలు చేసారు. పవన్ కళ్యాణ్ కు అధికారమే ముఖ్యమని కేఏపాల్ వ్యాఖ్యానించారు. ఆయన పవర్ కోసమే పార్టీ పెట్టారని, ఈ విషయాన్ని తాను 2019 ఎన్నికలకు ముందే చెప్పినా ఎవరూ నమ్మలేదని పాల్ గుర్తుచేశారు. పవన్ ను చూస్తే విచారంగా ఉందని అయన పేర్కొంటూ మొన్నటి ఎన్నికల్లో కాపులు కూడా ఆయనకు ఓటు వేయలేదని వ్యాఖ్యానించారు.

చిరంజీవి పార్టీ పెట్టినప్పుడే కాంగ్రెస్ ఏజెంట్ అని తాను పదేపదే చెబితే ఎవరూ పట్టించుకోలేదని పాల్ పేర్కొంటూ ఓ ఎంపీ మంత్రి పదవి కోసమే చిరంజీవి పార్టీని కాంగ్రెస్ లో విలీనం చేశారని కేఏపాల్ సంచలన ఆరోపణలు చేశారు. ఇక పవన్ కు కనీసం 5శాతం ఓట్లు కూడా రావని చెప్పానని, నిజానికి అంతే వచ్చాయని ఆయన అన్నారు. పవన్ ఎన్నికలకు ముందు మాయావతి కాళ్లు పట్టుకున్నాడని, ఇప్పుడు మోడీ షా కాళ్లు పట్టుకున్నాడని ఎద్దేవా చేసారు. బీజేపీకి చెప్పి హోదా తీసుకొస్తే ప్రజలు ప్రశంసిస్తారని తెలిపారు. మొన్నటి వరకూ చంద్రబాబుతో ఉండి.. ఇప్పుడు బీజేపీతో పొత్తు ఏంటని పాల్ ప్రశ్నించారు. జగన్ పై నిందలు వేసి తప్పు చేస్తున్నాడని పవన్ పై మండిపడ్డారు. అయినా ఎప్పుడో 2024లో ఎన్నికలు జరగాల్సి ఉంటె ఇప్పుడు పొత్తులేంటి వింతగా అంటూ పాల్ నిలదీశారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss