Monday, April 19, 2021

Latest Posts

నామినేషన్స్ కూడా రద్దు చేయాలన్న పవన్

Pawan kalyan Demand Restart the local body elections nominations:

ప్రపంచాన్ని వణికిస్తున్న కరోనా వైరస్ నేపథ్యంలో ఏపీలో 6 వారాల పాటు స్థానిక ఎన్నికలను రాష్ట్ర ఎన్నికల సంఘం వాయిదా వేస్తూ తీసుకున్న నిర్ణయంపై జనసేన పార్టీ అధ్యక్షుడు పవన్ కళ్యాణ్ స్పందించారు. రాజమహేంద్రవరంలో జనసేన ఆవిర్భావ దినోత్సవం సందర్బంగా ఆదివారం నిర్వహించిన మన నుడి కార్యక్రమానికి ముందు పవన్ కళ్యాణ్ మీడియాతో మాట్లాడారు. – దాడులు – బెదిరింపులతో అప్రజాస్వామికంగా జరిగిన స్థానిక ఎన్నికల నామినేషన్ ప్రక్రియను రద్దు చేసి ఎన్నికల ప్రక్రియను తాజాగా చేపట్టాలని డిమాండ్ చేశారు.

నామినేషన్ల ప్రక్రియ భయానక వాతావరణంలో దౌర్జన్యపూరితంగా – ఏకపక్షంగా జరిగాయని జనసేనాని ఆరోపించారు. భౌతిక దాడులు – ఆర్ధిక మూలాలు దెబ్బ తీసేందుకు ఆస్తులు ధ్వంసం చేస్తామని బెదిరించి ప్రతిపక్ష పార్టీలకు చెందిన అభ్యర్ధులతో బలవంతంగా నామినేషన్లు విత్ డ్రా చేయించారని ఆయన ధ్వజమెత్తారు. హింసాత్మకంగా జరిగిన నామినేషన్ ప్రక్రియను సైతం రద్దు చేసి తిరిగి చేపట్టాలని కోరారు. ఈ సందర్భంగా ప్రతిపక్ష నేత చంద్రబాబు సొంత జిల్లాపై పవన్ మాట్లాడుతూ చిత్తూరు జిల్లాలో ప్రభుత్వం ఎంత దిగజారి వ్యవహరించినా ప్రజాస్వామ్యం గొంతు నొక్కలేరని వ్యాఖ్యానించారు.

గత సార్వత్రిక ఎన్నికల ప్రచారం సందర్బంగా వైసిపి గురించి తాను చేసిన ప్రచారాన్ని పవన్ గుర్తుచేశారు. “వైఎస్ ఆర్ కాంగ్రెస్ పార్టీని గెలిపిస్తే రాష్ట్రంలో హింస ఎక్కువైపోతుందని సార్వత్రిక ఎన్నికల ప్రచారంలో భాగంగా ప్రజలకు చెప్పాను. ప్రస్తుతం ఏపీలో ఏ మారుమూల ప్రాంతంలో చూసినా హింసాత్మక సంఘటనలు – పాలెగాళ్ల రాజ్యమే కనిపిస్తోంది. ప్రశాంతమైన గోదావరి జిల్లాల్లో కూడా రౌడీయిజం పెరిగిపోయింది. ముఖ్యంగా చిత్తూరు జిల్లాలో నామినేషన్ వేయాలంటే భయపడే పరిస్థితి దాపురించింది’ అని పవన్ కళ్యాణ్ విమర్శించారు. పాలన విభాగంలో తప్పులు జరిగితే సరిదిద్దాల్సిన అధికారులు తమ కళ్లెదుటే ఇన్ని హింసాత్మక సంఘటనలు జరుగుతుంటే చేతులు కట్టుకొని చూశారని జనసేనాని ఆరోపించారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss