Tuesday, January 19, 2021

Latest Posts

‘భీష్మ’పై మలక్‌పేట పోలీస్ స్టేషన్ లో ఫిర్యాదు

Police Case Filed On Bheeshma Movie in malakpet:

హీరో నితిన్ నటించిన ‘భీష్మ’ మూవీ మొన్న శుక్రవారం ఆడియన్స్ ముందుకొచ్చింది. అయితే మహాభారతంలోని గొప్ప వ్యక్తి అయిన భీష్మాచార్యుడిని అవమానించేలా ఈ సినిమా ఉందని తెలంగాణ గంగపుత్ర సంక్షేమ సంఘం పోలీసులకు ఫిర్యాదు చేసింది. మలక్‌పేట పోలీసులకు సంఘం అధ్యక్షుడు పెంటం రాజేశ్ ఈమేరకు ఫిర్యాదు చేసారు. హిందువుల మనోభావాలను దెబ్బతీసేలా ఉన్న ఈ సినిమాపై చర్యలు తీసుకోవాలని డిమాండ్ చేసారు. దర్శకుడు వెంకీ కుడుముల, నిర్మాత సూర్యదేవర నాగవంశీ, రచయిత, నటుడు నితిన్, సితార ఎంటర్‌ప్రైజెస్, పీడీపీ ప్రసాద్, ఎడిటర్ నవీన్ నూలిపై చట్టపరంగా చర్యలు తీసుకోవాలని డిమాండ్ చేశారు.

ఇది కూడా చదవండి:యూ ఎస్ లో అదరగొడుతున్న నితిన్ కి కంగ్రాట్స్ చెప్పిన బన్నీ

ఫిర్యాదుపై మలక్‌పేట పోలీసులు స్పందిస్తూ,భీష్మ సినిమా డైరెక్టర్, నిర్మాత, రచయిత తదితరులపై ఫిర్యాదు అందిందని తెలిపారు. వీరందరూ కలిసి ‘భీష్మ’ పేరుతో హిందువుల మనోభావాలను గాయపరిచారని ఆ ఫిర్యాదులో పేర్కొన్నారని తెలిపారు. దర్యాప్తు అనంతరం చర్యలు తీసుకుంటామని పేర్కొన్నారు. ఇక పిర్యాదు వివరాల్లోకి వెళ్తే, ఇచ్చిన మాట కోసం ప్రతిజ్ఞ చేసి ఆజన్మ బ్రహ్మచారిగా మిగిలిపోయిన భీష్మాచార్యుడి పేరును సినిమాలో అమ్మాయిల వెంట పడే లవర్ బాయ్‌కు పెట్టారని ఫిర్యాది దారులు ఆక్షేపించారు.

అంతేకాకుండా సినిమాలోని డైలాగ్‌ను ఉటంకిస్తూ, ఇందులో డైలాగులు సమాజంపైనా, యువతపైనా వ్యతిరేక ప్రభావం చూపే అవకాశం ఉందని పిర్యాదు దారులు ఆవేదన వ్యక్తం చేశారు. హీరో తన తల్లితో మాట్లాడుతూ.. దుర్యోధనుడు, దుశ్శాసనుడు, యమధర్మరాజు, శని, శకుని వంటి ఎన్నో పేర్లు ఉండగా తనకు ఆజన్మ బ్రహ్మచారి అయిన భీష్ముడి పేరు తనకు ఎందుకు పెట్టారని ప్రశ్నిస్తాడు. ఈ డైలాగ్‌పైనా సంఘం తీవ్ర అభ్యంతరం వ్యక్తం చేసింది. సమాజంపై ఇది చెడు ప్రభావాన్ని చూపే ప్రమాదం ఉందని ఆరోపిస్తూ, అందుకే చట్టపరమైన చర్యలు తీసుకోవాలని ఫిర్యాదులో కోరింది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss