Sunday, July 25, 2021

Latest Posts

మద్యం కోసం మహిళలు … ఆర్జీవీ ట్వీట్‌ కి సింగర్ సోనా ఫైర్

Ram Gopal Varma’s Tweet

కరోనా మహమ్మారి నేపథ్యంలో కేంద్రం విధించిన లాక్ డౌన్ నుంచి కేంద్ర ప్రభుత్వం ఇచ్చిన సడలింపులతో దేశంలో మద్యం విక్రయాలు ప్రారంభమయ్యాయి. అయితే మద్యం అంశం (ఎక్సైజ్ శాఖ) అంశం రాష్ట్ర పరిధిలోని అంశం కాబట్టి కొన్ని రాష్ట్రాలు మద్యం విక్రయాలకు మొగ్గు చూపగా మరికొన్ని రాష్ట్రాలు మద్యం విక్రయాలు మొదలుపెట్టాలా వద్దా అని ఆలోచన సాగించాయి. మొత్తానికి చాలా రాష్ట్రాలో మద్యం విక్రయాలు ప్రారంభమయ్యాయి. దాదాపు 45 రోజుల పాటు మద్యానికి దూరమైన ప్రజలు మద్యం దుకాణాలు తెరవడంతో ఒక్కసారిగా ఎగబడ్డారు. దుకాణాలు తీయడానికి రెండు మూడు గంటల ముందే వరుసలో నిల్చున్నారు. కొందరైతే దుకాణాలకు పూజలు చేశారు. ఎండ తీవ్రంగా ఉన్నా ఖాతరు చేయకుండా కిలో మీటర్ మేర వరుసలో నిలబడ్డారు.

కొన్ని చోట్ల సోషల్ డిస్టెన్స్ పట్టించుకోకుండా తోసుకున్నారు. కొన్నిచోట్ల పోలీసులు వచ్చి పరిస్థితిని చక్కదిద్దారు. ఇక మద్యం విక్రయాల సందర్భంగా చిత్రవిచిత్ర సన్నివేశాలు జరిగాయి. అయితే మద్యం అంటేనే పురుషు లే కాదు,ఇప్పుడు మద్యం దుకాణాల వద్ద మహిళలు కూడా వరుసలో నిలబడడం అందరినీ ఆశ్చర్యపరుస్తోంది. కొందరు యువతులు ఏకంగా మద్యం దుకాణం ఎదుట నిలబడి మద్యం కొనుగోలుకు చాలాసేపు వేచి ఉండడంతో అక్కడ ఉన్నవారు అవాక్కయ్యారు. ఇన్నాళ్లు చాటున తాగేవాళ్లు లాక్డౌన్ పుణ్యాన బహిర్గతమైందని గుసగుస లాడుకున్నారు . అయితే కిలో మీటర్ మేర క్యూలు ఉండడంతో మహిళలు ఉంటే త్వరగా మందు లభిస్తుందనే ఆశతో వారి ఇంట్లోని మహిళలను రంగంలోకి దింపారు. దుకాణదారులు కూడా మహిళలకు ప్రాధాన్యం ఇచ్చి వారికి త్వరగా మద్యం ఇచ్చి పంపించి వేయడమే కాకుండా సెపరేట్ క్యూ కూడా పెట్టడం విశేషం.

దీంతో చాలామంది తమ భార్యలు పిల్లలను మద్యం దుకాణాలకు పంపించి త్వరగా మద్యం లభించేలా ప్లాన్ వేశారు. ఇలాంటి దృశ్యాలు కర్నాటకలోని బెంగళూరు ఆంధ్రప్రదేశ్లోని పలు ప్రాంతాల్లో కనిపించాయి. ఆంధ్రప్రదేశ్లోని విశాఖపట్టణం సిరిపురంలో యువతులు ముఖాలకు స్కాఫ్లు కట్టుకుని మద్యం దుకాణాలకు వచ్చారు. ఆంధ్రప్రదేశ్లోని అన్ని జిల్లాల్లో మద్యం దుకాణాలు తెరిచారు. దీంతో మద్యం దుకాణాల ముందు మందుబాబులు బారులు తీరారు. మద్యం ధరలు పెంచినా వాటిని పట్టించుకోకుండా ప్రజలు తండోపతండాలుగా మద్యం దుకాణాలకు తరలివచ్చారు. గంటల కొద్దీ వరుసలో నిలబడి మద్యం కొనుక్కొని వెళ్లారు. త్వరగా మద్యం లభించాలని కొందరు మహిళలను పంపగా మరికొందరు దివ్యాంగులుగా నటించారు. మొత్తానికి కోట్లాది రూపాయల అమ్మకాలు సాగాయి.

కాగా ఓ మద్యం దుకాణం వద్ద క్యూలో మహిళలు నిలబడిన చిత్రాన్ని వివాదాస్పద దర్శకుడు రామ్ గోపాల్ వర్మ షేర్ చేస్తూ, ‘చూడండి క్యూలో ఎవరున్నారో. మహిళల్ని తాగుబోతు మగాళ్ల నుంచి కాపాడాలంటారు. మరి ఇదేంటి?’ అంటూ ట్వీట్ చేశారు. దీనిపై సింగర్ సోనా మోహపాత్ర మండిపడ్డారు. ఆర్జీవీ ట్వీట్‌లో సెక్సిజం తప్ప మరేంలేదని ఆగ్రహం వ్యక్తంచేశారు. ‘మహిళలకు కూడా మగాళ్లలాగే మద్యం కొనుక్కునే హక్కుంది. కానీ మందు తాగి క్రూరమైన పనులు చేసే హక్కు మాత్రం ఎవరికీ లేదు’ అంటూ బదులిచ్చారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss