Monday, January 25, 2021

Latest Posts

రవితేజకు హీరోయిన్స్ దొరకడం లేదా

Ravi teja facing heroine problems

ఎంత పెద్ద స్టార్ హీరో అయినా జోడి కట్టేందుకు హీరోయిన్స్ దొరకని పరిస్థితి వస్తుంది. ఇందుకు ఎవరూ మినహాయింపు కాదు. ఇప్పుడు మాస్ మహారాజా రవితేజ పరిస్థితి ఇదే. వరుస విజయాలతో ఇండస్ట్రీ లో దూసుకెళ్లిన ఇతను ఇప్పుడు వరుస పరాజయాలను ఎదుర్కొన్నాడు. ఎన్నో ఆశలు పెట్టుకొని చేసిన ‘డిస్కో రాజా’ ప్లాప్ అవడంతో ప్రస్తుతం నటిస్తున్న ‘క్రాక్’ సినిమాపై బోల్డన్ని ఆశలు పెట్టుకున్నాడు. అతడి కెరీర్లో 66వ చిత్రంగా తెరకెక్కుతున్న ఈ మూవీకి గోపీచంద్ మలినేని దర్శకత్వం వహిస్తున్నాడు. రవితేజ పవర్ ఫుల్ పోలీస్ పాత్రలో కనిపించనున్న ఈ సినిమాలో శృతిహాసన్ – వరలక్ష్మీ శరత్ కుమార్ ప్రధాన పాత్రల్లో నటిస్తున్నారు. ఇప్పటికే మేజర్ పార్ట్ షూటింగ్ అయ్యాక వచ్చిన కరోనా మహమ్మారితో లాక్ డౌన్ కారణంగా ఈ సినిమా షూటింగ్ నిలిచిపోయింది.

అయితే రవితేజ ఈ సినిమా సెట్స్ మీద ఉండగానే ఇంకో సినిమా ఒప్పుకున్నాడు. ‘రాక్షసుడు’లాంటి సూపర్ హిట్ సినిమా అందించిన రమేష్ వర్మ ఈ సినిమాకి దర్శకత్వం వహించబోతున్నాడు. ఇప్పటివరకు స్టార్ హీరోలతో పనిచేయని కోనేరు వర్శిటీ వాళ్ల తనయడు హీరో కోనేరు హవీష్… ఈ సినిమా నిర్మిస్తున్నాడు. లాక్ డౌన్ లో ఎలాగూ ఖాళీగా ఉన్నామని, ఈ చిత్ర యూనిట్ కాస్టింగ్ ని ఫైనల్ చేసే పనిలో పడిందట. ఈ స్క్రిప్ట్ ప్రకారం ఇద్దరు హీరోయిన్లు ఈ ప్రాజెక్ట్ కి అవసరం అవుతారట. అయితే వరుస ఫ్లాపులలో ఉన్న రవితేజ సరసన నటించడానికి ప్రస్తుతం క్రేజ్ ఉన్న హీరోయిన్లు ముందుకు రానందున తమిళ, కన్నడ భామల కోసం ట్రైల్స్ వేస్తున్నారట.

ముఖ్యంగా కన్నడ స్టార్ హీరోయిన్ రచిత రామ్ ని చిత్ర యూనిట్ రీసెంట్ గా సంప్రదించారట. అయితే ఈ బ్యూటీ కూడా ఆలోచించి చెబుతా అని హోల్డ్ పెట్టిందని టాక్. ఇక రవితేజకి ఒక్కడికే హీరోయిన్స్ కష్టాలు ఉన్నాయంటే పొరపాటే. ప్రస్తుతం ఇండస్ట్రీలో అందరూ స్టార్ హీరోలదీ ఇదే పరిస్థితి. వరుస ప్లాపులు ఉండటం వల్ల కొంతమంది నటించడానికి ఇంటరెస్ట్ గా లేరు. సీనియర్ హీరోల తో జోడీ కట్టడానికి కొందరు అసలు ముందుకు రావడం లేదట. ఇక రవితేజ ఈ రెండు ప్రాజెక్ట్స్ తో పాటు త్రినాథరావు నక్కిన కాంబినేషన్ లో ఒక చిత్రం చేయబోతున్నాడట. లాక్ డౌన్ కారణంగా ఇంట్లోనే ఉంటున్న రవితేజ కొత్త కథలు వినడంలో శ్రద్ధ చూపుతున్నాడు. ఇప్పటికే త్రినాథరావు చెప్పిన కథ రవితేజకు బాగా నచ్చడంతో ప్రస్తుతం రవితేజ చేస్తున్న సినిమాలు పూర్తైన వెంటనే ఈ సినిమా పట్టాలెక్కనుందని టాక్.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss