Thursday, May 13, 2021

Latest Posts

ఏపీలో కరోనా కేసుల పెరగడంపై అప్రమత్తం

Rise of coronavirus(COVID-19) cases in the AP

ప్రపంచమంతా వణికిస్తున్న కరోనా మహమ్మారి నేపథ్యంలో భారత్ లో  లాక్‌డౌన్‌ అమలావవుతోంది. అయినా కేసులు పెరుగుతున్నాయి. ఢిల్లీ నిజాముద్దీన్ లింక్  తో దేశవ్యాప్తంగా పెరుగుతున్న కేసులలో భాగంగా ఏపీలో కూడా పెరుగుతున్నాయి. 250కేసులు దాటిపోవడంతో ప్రధాని మోడీ రాష్ట్రంలో పరిస్థితిపై సీఎం జగన్ తో మాట్లాడి తగు సూచనలు చేసారు.  ఇక అధికార యంత్రాంగంతో ముఖ్యమంత్రి వైఎస్‌ జగన్మోహన్‌రెడ్డి మాట్లాడుతూ కీలక ఆదేశాలిచ్చారు. లాక్ డౌన్  ఎత్తివేసిన తర్వాత కూడా రాష్ట్రంలో కేంద్రం ఇచ్చిన మార్గదర్శకాలు అమలులో ఉంటాయని ఆయన   స్పష్టం చేశారు. అత్యధికంగా కరోనా పాజిటివ్‌ కేసులు నమోదైన రెడ్‌ జోన్‌ ప్రాంతాల్లో మార్గదర్శకాలను కొనసాగించాల్సిందేనని అధికారులను ఆదేశించారు.

కరోనా వైరస్‌ విజృంభనపై ఆదివారం తాడేపల్లి క్యాంపు కార్యాలయంలో సీఎం సమీక్ష నిర్వహించారు.  సమీక్షలో సీఎస్‌ నీలం సాహ్ని, డీజీపీ గౌతం సవాంగ్‌, వైద్య ఆరోగ్య శాఖ ప్రత్యేక ప్రధాన కార్యదర్శి జవహర్‌రెడ్డి, సీఎం సలహాదారు సజ్జల రామకృష్ణారెడ్డి తదితరులు పాల్గొన్నారు. లాక్‌డౌన్‌ను ఈ నెల 14వ తేదీ తర్వాత కొనసాగించడమా.. విడతల వారీగా సడలించడమా.. లేదా పూర్తిగా ఎత్తివేయడమా అనే అంశాలపై కేంద్రం ఇచ్చే మార్గదర్శకాలను రాష్ట్రంలో పకడ్బందీగా అమలు చేయడానికి సన్నద్ధం కావాలని ప్రభుత్వ యంత్రాంగానికి సీఎం జగన్ సూచించారు. కేంద్రం ఇచ్చే మార్గదర్శకాలకు అనుగుణంగా కార్యాచరణను అమలులోకి తీసుకురావాలన్నారు.

కరోనా నియంత్రణలో భాగంగా ప్రతి ఆస్పత్రిలోనూ ఐసొలేషన్‌ వార్డు ఏర్పాటు చేయాలని అధికారులను సీఎం ఆదేశించారు.  కాగా  ఇప్పటికే ఏడు చోట్ల ల్యాబ్‌లు ఉన్నాయని..విశాఖ, విజయవాడ సహా మూడు చోట్ల ల్యాబ్‌ల సామర్థ్యం పెంచడానికి ప్రయత్నాలు చేస్తున్నామని అధికారులు వివరించారు. విశాఖలో రెడ్‌ జోన్లను 8 క్లస్టర్లుగా విభజించి ఒక్కో క్లస్టర్‌ నుంచి 20 నమూనాలు తీసుకుని పరీక్షించామని అధికారులు చెప్పగా, ఇది మరింత పకడ్బందీగా జరగాలని సీఎం ఆదేశించారు. కేటగిరీల వారీగా నమూనాలు పరీక్షిస్తూ ఉండాలన్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss