Sunday, June 13, 2021

Latest Posts

‘లూసిఫర్’ లో మెగాస్టార్ తో బాలీవుడ్ స్టార్ లేనట్టేనా

Salman Is Not Part Of Lucifer Remake

మోహన్ లాల్ – పృథ్వీరాజ్ హీరోలుగా రూపొందిన ‘లూసిఫర్’ అనే మలయాళ మూవీని తెలుగులో మెగాస్టార్ చిరంజీవి హీరోగా రీమేక్ చేస్తున్నారు. ‘లూసిఫర్’ మూవీ మలయాళీ భాషలో భారీ విజయాన్ని అందుకోవడంతో ఈ సినిమా తెలుగు ప్రేక్షకుల ముందుంచాలని మెగా పవర్ స్టార్ రామ్ చరణ్ మూవీ రీమేక్ హక్కులను కొన్నాడు. చెర్రీ నిర్మాణంలోనే కొణిదెల ప్రొడక్షన్స్ బ్యానర్ పై మెగాస్టార్ చిరంజీవి హీరోగా ఈ మూవీ రూపొందనుంది. కొరటాల శివ దర్శకత్వంలో మెగాస్టార్ చిరంజీవి ప్రస్తుతం ‘ఆచార్య’ సినిమాలో నటిస్తున్న సంగతి తెలిసిందే.

ఈ చిత్రాన్ని కొణెదల ప్రొడక్షన్స్ పై రామ్ చరణ్ అలాగే మాట్నీ మూవీస్ సంయుక్తంగా నిర్మిస్తు న్నారు. ఈ సినిమా చిత్రీకరణ దశలో ఉండగానే లూసిఫెర్ సినిమాకు ఒకే చెప్పాడు. ఇప్పటికే లూసిఫెర్ సినిమా దర్శకత్వ బాధ్యతలను ‘సాహో’ ఫేమ్ సుజీత్ కి అప్పగించినట్లు మెగాస్టార్ క్లారిటీ ఇచ్చారు. తెలుగు నేటివిటీకి తగ్గట్లుగా భారీ రేంజ్ లో ఉండేలా స్క్రిప్ట్ రూపొందించామని కోరారట. సుజిత్ ఈ సినిమాకు సంబంధించిన స్క్రిప్ట్ వర్క్తో ప్రీ ప్రొడక్షన్ పనులను మొదలుపెట్టాడట. అయితే గత కొన్ని రోజులుగా ఈ సినిమాలో బాలీవుడ్ అగ్ర హీరో సల్మాన్ ఖాన్ ముఖ్య పాత్రలో నటించబోతున్నట్టు ఓ వార్త ఫిల్మ్ నగర్ సర్కిల్స్లో చక్కర్లు కొడుతోంది. ‘లూసీఫర్’ చిత్రంలో పృథ్వీరాజ్ పోషించిన పాత్రని తెలుగులో సల్మాన్ ఖాన్ తో చేయించాలనుకున్నట్టు వార్తలొచ్చాయి.

అయితే సల్మాన్ ఖాన్ ఈ సినిమాలో నటిస్తున్నాడనేది పుకారే అని తాజాగా వెల్లడైంది. అసలు మలయాళం రీమేక్ లో నటించే ఆలోచనే లేదని టాక్. సల్మాన్ ఖాన్ తన సినిమాలతోనే రాబోయే కొన్నేళ్ల పాటు బిజీగా ఉండనున్నాడు.. ఇక వేరే భాషల్లో నటించే తీరికే లేదని తెలుస్తోంది. కాగా ఈ పాత్రని ఇంతకుముందు అల్లు అర్జున్ చేయబోతున్నాడంటూ వార్తలు వచ్చాయి. కానీ అది కూడా పుకారే అని తెలుస్తోంది. మలయాళ ‘లూసిఫర్’ సినిమాలో మోహన్ లాల్ కి నమ్మకమైన వ్యక్తిగా ఉండే ఒక పాత్రలో హీరో పృథ్వీరాజ్ నటించాడు. ఆ పాత్ర ఆయనకి ఎంతో పేరు తెచ్చిపెట్టింది. అందుకే ఆ పాత్రని ఎవరు పోషిస్తారో అని అందరూ ఆసక్తిగా ఎదురు చూస్తున్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss