Sunday, March 7, 2021

Latest Posts

అలా కుదరదని తేల్చేసిన ఎస్‌ఈసీ

SEC declares not possible to conduct the local body elections:

స్థానిక ఎన్నికల వాయిదా నేపథ్యంలో ‘కరోనా కట్టడికి చర్యలు తీసుకుంటున్నాం. షెడ్యూలు ప్రకారమే స్థానిక ఎన్నికలు నిర్వహించండి’ అని  రాష్ట్ర ప్రభుత్వ ప్రధాన కార్యదర్శి నీలం సాహ్ని రాసిన లేఖపై రాష్ట్ర ఎన్నికల కమిషనర్‌ (ఎస్‌ఈసీ) నిమ్మగడ్డ రమేశ్‌ కుమార్‌ స్పందిస్తూ  3పేజీల్లో జవాబు పంపించారు.   స్థానిక ఎన్నికలను ముందు ప్రకటించిన షెడ్యూలు ప్రకారం నిర్వహించడం కుదరనే కుదరదని ఆయన  తేల్చేశారు. కావాలంటే… కరోనాపై కేంద్ర ప్రభుత్వం నియమించిన ‘జాతీయ టాస్క్‌ఫోర్స్‌’ను సంప్రదించవచ్చునని ఆయన  సూచించారు. టాస్క్‌ఫోర్స్‌ సరేనంటే… ఆరు వారాలకంటే ముందుగానే ఎన్నికల ప్రక్రియ ప్రారంభించేందుకు కమిషన్‌కు ఎలాంటి అభ్యంతరం ఉండదని కూడా ఆయన  స్పష్టం చేశారు.

వాయిదాకు కరోనా వైరస్‌ కారణం కాదని.. చంద్రబాబు సామాజిక వర్గం కాబట్టే ఆయనకోసమే ఎన్నికలను వాయిదా వేశారని, కేంద్ర నిధులు రాకుండా కుట్ర పన్నారని ముఖ్యమంత్రి, మంత్రులు, వైసీపీ ఎమ్మెల్యేలు విమర్శలు గుప్పించారు. అయితే  సీఎస్‌కు రాసిన లేఖలో.. ఈ విమర్శలకూ రమేశ్‌ కుమార్‌ సమాధానమిచ్చారు. ‘డియర్‌ నీలం జీ’ అంటూ మొదలైన ఆ లేఖ లో పలు అంశాలు ప్రస్తావించారు. ‘నిజానికి 14వ ఆర్థిక సంఘం నిధులను పొందేందుకు వీలుగా మార్చి 31లోగా ఎన్నికలు ముగిసేలా షెడ్యూలును రూపొందించాం. ఈ విషయంలో ప్రభుత్వానికి పూర్తి వెసులుబాటు కల్పించేలా, షెడ్యూలును కుదించాం. దీనిపై అనేక వర్గాల నుంచి మాపై విమర్శలు వచ్చాయి. అయితే  ఆ అంశం జోలికి వెళ్లదలచుకోవడంలేదు’అని రమేష్ కుమార్ స్పష్టంచేశారు.

‘ ముఖ్యంగా  14వ ఆర్థిక సంఘం నిధులు రాకుండా అడ్డుకునేందుకే స్థానిక ఎన్నికలను వాయిదా వేశారంటూ రాష్ట్ర ఎన్నికల కమిషన్‌పై దాడికి దిగారు. అయితే ఒక్కటి మాత్రం చెప్పగలను.  నేను రాజ్‌భవన్‌కంటే ముందు ఆర్థిక శాఖ కార్యదర్శిగా పని చేశా. ఆర్థిక సంఘానికి సంబంధించిన అంశాలు కూడా అందులో భాగం. దీనికి సంబంధించి నాకు లోతైన అవగాహన ఉంది. స్థానిక సంస్థలకు బేసిక్‌ గ్రాంట్స్‌, పర్‌ఫామెన్స్‌ గ్రాంట్స్‌ విడుదలకు ఉన్న అనేక నిబంధనల్లో ఎన్నికలు నిర్వహించడం అనేది ఒక నిబంధన మాత్రమే. గతంలో రాష్ట్ర ప్రభుత్వం స్థానిక ఎన్నికలు నిర్వహించిన అనంతరం, అంతకుముందు సంవత్సరాలకు చెందిన నిధులను విజయవంతంగా తెచ్చుకున్న సందర్భాలున్నాయి’అని రమేష్ కుమార్ ఆ లేఖలో పేర్కొన్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss