Wednesday, June 23, 2021

Latest Posts

కరోనా ఎఫెక్ట్ : హెయిర్ కటింగ్ తో ఏడుగురికి పాజిటివ్

seven test corona positive in MP after visiting hair-cutting salon

ఎలా సోకుతుందో,ఎప్పుడొస్తుందో,ఎందుకొస్తుందో,ఎవరికి వస్తుందో ఇలా ఏ విషయంలోనూ క్లారిటీ లేని మాయదారి మహమ్మారి రోగం కరోనా వైరస్ కట్టడి చేసేందుకు విధించిన లాక్ డౌన్ అన్ని రాష్ట్రాల్లో విజయవంతంగా కొనసాగుతోంది. అయితే కొన్ని ప్రాంతాల్లో మాత్రం కొందరు ఉల్లంఘిస్తున్నారు. ఆ ఉల్లంఘనకు పాల్పడిన వారికి కరోనా వైరస్ సోకుతోంది. తాజాగా మధ్యప్రదేశ్ లో అదే విధంగా ఒకరికి కరోనా వైరస్ సోకింది. పైగా మరో ఆరుగురికి కూడా సోకింది.

సామాజిక దూరం పాటించాలని పదేపదే చెబుతూ, మూకుమ్మడి కార్యక్రమాలు, సామూహిక కార్యక్రమాలపై నిషేధం విధించినా సరే, యథేచ్ఛగా కొనసాగుతుండడంతో వారు కరోనా బారిన పడే అవకాశం పొంచి ఉంది.మధ్యప్రదేశ్ లోని ఖార్గోన్ జిల్లాకు చెందిన ఓ యువకుడు ఇటీవల తన గ్రామంలో గల సెలూన్ లో హెయిర్ కటింగ్ చేయించుకున్నాడు. అయితే ఆతర్వాత రెండు రోజులకు అతడు అనారోగ్యం బారిన పడడంతో వెంటనే కుటుంబసభ్యులు సమీపంలోని ఆస్పత్రికి తరలించారు. వైద్య పరీక్షలు నిర్వహించగా అతడికి కరోనా సోకిందని నిర్ధారణయ్యింది.

విషయం తెలుసుకున్న వైద్యులు ఎలర్ట్ అయ్యారు. అతడు హెయిర్ కట్ చేసుకున్న అదే సెలూన్ లో అదే వారంలో మరో ఆరుగురు వ్యక్తులు కటింగ్ చేయించుకున్నారు. దీంతో వారందరిని గుర్తించి వారికి కరోనా పరీక్షలు నిర్వహించారు. ఆ ఫలితాల్లో కూడా వారికి కరోనా పాజిటివ్ అని తేలడంతో ఆ యువకులను క్వారెంటైన్ కు తరలించారు. ఒకేసారి ఏడుగురికి కరోనా రావడంతో ప్రస్తుతం వారి గ్రామాన్ని క్వారంటైన్ లోకి తరలించారు. స్వీయ నిర్బంధంలో ఉండాలని అందరినీ అధికారులు ఆదేశించారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss