Monday, July 26, 2021

Latest Posts

మహేష్ కి జోడీ కట్టేదెవరో

Speaking in a press meet Parasuram confirms film with Mahesh Babu

టాలీవుడ్ సూపర్ స్టార్ మహేష్ బాబు సరిలేరు నీకెవ్వరు వంటి భారీ హిట్ తర్వాత ఇంతవరకు ఏ సినిమాను అధికారికంగా ప్రకటించలేదు. అయితే తాజాగా వస్తున్న సమాచారం ప్రకారం.. గీత గోవిందం ఫేమ్ పరుశురామ్ దర్శకత్వంలో ఓ సినిమా ఖరారు అయింది. గోపీసుందర్ ఈ సినిమాకు సంగీతాన్ని అందించనున్నాడు. మైత్రీ మూవీ మేకర్స్, జీఎంబీ ఎంటర్టైన్మెంట్స్ సంస్థలు కలిసి ఈ చిత్రాన్ని నిర్మించనున్నాయి. తాజాగా డైరెక్టర్ పరశురామ్ మీడియాతో మాట్లాడుతూ.. తను మహేష్ తో చేయబోయే తదుపరి సినిమా గురించి కొన్ని విషయాలు బయట పెట్టాడు.

అంతేకాదు స్క్రిప్ట్ పనులు కూడా పూర్తి అయ్యాయని పేర్కొన్నాడు. ఇక ఈ సినిమాలో మహేష్ సరసన బాలీవుడ్ ఫ్రెష్ ఫేస్ సారా అలీ ఖాన్ నటించబోతుందని ఓ వార్త హల్ చల్ చేస్తుంది. అంతేగాక కీర్తిసురేష్, కియారా అద్వానీలు కూడా ఆ వరుసలో ఉన్నట్లు వార్తలు వినిపిస్తున్నాయి. లేటెస్ట్‌గా ఈలిస్టులోమ‌ల‌యాళ భామ‌ ప్రియా ప్ర‌కాశ్ వారియ‌ర్ పేరు కూడా చేరింది. ఓ క‌న్నుగీట‌తో జాతీయ‌స్థాయిలో క్రేజ్ తెచ్చుకున్న ప్రియాప్ర‌కాశ్ వారియ‌ర్ నిజంగానే మ‌హేశ్ సినిమాలో అవ‌కాశం ద‌క్కించుకుని ఉండుంటే మాత్రం అది ఆమె ల‌క్కీ అని చెప్పొచ్చు. ప్రస్తుతం సోష‌ల్ మీడియాలో హ‌ల్‌చ‌ల్ చేస్తున్న ఈ వార్త‌పై చిత్ర యూనిట్ ఎలా స్పందిస్తుందో చూడాలి.

అయితే ఇంతకీ సూపర్ స్టార్ పక్కన నటించే హీరోయిన్ గురించి పక్కన పెడితే.. ఇక ఈ సినిమా మంచి ఎంటర్టైనర్ గా రాబోతోందని టాక్. మహేష్ గత కొంతకాలంగా సందేశాత్మక కథాంశాలతో సినిమాలు చేస్తున్నారు. ఆ పంథాకు పూర్తి భిన్నంగా పూర్తి స్థాయి రొమాంటిక్ ప్రేమకథతో ఈ సినిమా మంచి ఎంటర్టైనర్ గా రానుందని తెలుస్తోంది. అంతేగాక ఈ సినిమాలో రొమాన్స్తో పాటు యాక్షన్ తన మార్క్ కామెడీ కూడా ఉంటుందని పరశురామ్ తెలిపాడు. ఇక కరోనా మహమ్మారి తగ్గి అన్ని కుదిరితే ఈ సినిమా అక్టోబర్లో సెట్స్ పైకి వెళ్లనుందట. మరో ఆసక్తి వార్త ఏంటంటే.. ఈ చిత్రంలో మహేష్ కి విలన్ గా కన్నడ హీరో ఉపేంద్ర నటిస్తున్నారని ఇప్పటికే టాక్ వచ్చింది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss