Wednesday, April 21, 2021

Latest Posts

మూడు కాదు నాలుగు రాజధానులట

సీఎం జగన్ ఏ ముహూర్తాన అసెంబ్లీలో ఏపీకి 3 రాజధానులు అవసరం అని సీఎం కామెంట్ చేశారో గానీ అప్పటి నుంచి ఎవరి రేంజ్ లో వాళ్ళు స్పందిస్తూ కొత్త కొత్త ప్రతిపాదనలు చేసేస్తున్నారు. ఇక అమరావతినే కొనసాగించాలన్న ఉద్యమం టిడిపితో సహా విపక్షాలు స్టార్ట్ చేసేశాయి. సీఎం ప్రకటన తర్వాత వెనువెంటనే సెగ రాజుకుంది. రాజధాని మార్పు వద్దని అమరావతి వాసులు .. కావాలని ఉత్తరాంధ్ర రాయలసీమ వాసులు ఆందోళన మొదలుపెట్టారు.

అధికార ప్రతిపక్షాల వారు కొట్టుకుచస్తున్నారు.అయితే సందులో సడేమియాలాగా కొత్త రాజధాని ప్రతిపాదన తెర మీదకు వచ్చింది. తాజాగా మూడు రాజధానులకు మద్దతుగా రాజమండ్రి లో వైసీపీ ర్యాలీ నిర్వహించింది. మంత్రి శ్రీరంగనాథరాజు ఆసక్తికర వ్యాఖ్యలు చేశారు. తాజాగా పశ్చిమ గోదావరి జిల్లాకు చెందిన మంత్రి శ్రీ రంగనాథ రాజు నాలుగో రాజధాని గురించి ప్రస్తావించారు. ‘ఏపీకి మూడు రాజధానులు కాదని నాలుగు కావాలని డిమాండ్ చేశారు. ఏపీకి సాంస్కృతిక రాజధాని గా రాజమండ్రి ని చేయాలని ఆయన డిమాండ్ చేశారు.

ఏపీకి నాలుగు రాజధానులు ఉంటే బాగుంటుందనే విషయాన్ని అసెంబ్లీ సమావేశాల్లో సీఎం జగన్ దృష్టికి తీసుకెళ్తానని మంత్రి రంగనాధరాజు తెలిపారు. రాజమండ్రి ని సాంస్కృతిక రాజధాని గా మార్చాలని కోరుతానని తెలిపారు.ఇలా ప్రాంతాలను బట్టి ఆయా నేతలు రాజధాని పై తమ ఇష్టాలను తమ నగరాలను రాజధానులు గా చేయాలన్న ప్రతిపాదనను చేస్తున్నారు. కాగా మాజీ మంత్రి కె ఈ కృష్ణమూర్తి అమరావతి మారిస్తే, కర్నూల్ ని రాజధాని చేయాలని డిమాండ్ చేసిన సంగతి తెల్సిందే. ఇంకా ఎన్ని డిమాండ్స్ వస్తాయో చూడాలి.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss