Wednesday, June 23, 2021

Latest Posts

టైటిల్ విషయంలో రాజమౌళి  పోరాపాటు చేశాడా?

SS Rajamouli announced Title of RRR movie:

ఏది చేసినా డిఫరెంట్ గా చేయడం   దర్శకధీరుడు ఎస్ ఎస్  రాజమౌళి స్పెషాలిటీ. పబ్లిసిటీ కూడా వెరైటీగానే ఉంటుంది. అందుకే వరల్డ్ వైడ్ ఇండియన్ మూవీ స్టామినా చాటిచెప్పేలా  బాహుబలి మూవీ తీసి శెభాష్ అనిపించుకున్నాడు.   తాజాగా రామ్ చరణ్,జూనియర్ ఎన్టీఆర్ కాంబోలో మల్టీస్టారర్ గా తెరకెక్కిస్తున్న  ‘ఆర్.ఆర్.ఆర్‘ మూవీపై భారీ అంచనాలున్నాయి. ఇక  ఈ  సినిమా టైటిల్ మోషన్ పోస్టర్ ఉగాది కానుకగా రిలీజయింది.ఈ మూవీ టైటిల్ ‘రౌద్రం రణం రుధిరం’ గా  ఫిక్స్ చేశారు. అన్ని భాషల్లోనూ టైటిళ్లను రివీల్ చేశారు. టైటిల్ మాత్రమే కాదు ఈ టైటిల్ కు తగ్గట్టు అల్లూరి సీతారామరాజు రౌద్రం చూపిస్తూ నిప్పు కనికగా రామ్ చరణ్ పరుగెత్తుకు వస్తుండగా.. నీటితో రుధిరం అంటూ ఎన్టీఆర్ కనిపించాడు. వీరిద్దరి  రణం ‘ఆర్.ఆర్.ఆర్’ అనిపిస్తుంది.

అయితే ప్లాన్ బాగున్నా, ఈ సినిమా పేరును ఏ పేరుతో పిలవాలనేదే ఇప్పుడు పెద్ద సమస్య గా తయారైందని అంటున్నారు.   వాస్తవానికి ‘రౌద్రం రణం రుధిరం‘ అనేది చాలా పెద్దగా ఉన్న టైటిల్. అందుకే ఇప్పటికే కొందరు  ఇంత పెద్ద టైటిలా అంటున్నారు.  ఈ సినిమా ముందు నుంచి ‘ఆర్ఆర్ఆర్’ అనే పేరుతో వ్యవహరిస్తున్న నేపథ్యంలో  టైటిల్ వచ్చాక ఆర్ ఆర్ ఆర్ మర్చిపోవచ్చని అనుకున్నారు. అయితే పెద్ద టైటిల్ చూసాక , టాలీవుడ్ నుంచి బాలీవుడ్ వరకు ఎక్కడా ఎవ్వరూ ఈ సినిమాను అసలు పేరుతో పిలవట్లేదు. ఇప్పటికీ ‘ఆర్ఆర్ఆర్’ అంటున్నారు. దీంతో   రాజమౌళి రివీల్ చేసిన టైటిళ్లు జనాలకు అంతగా రుచించేలా లేదని అంటున్నారు.

‘ఆర్ఆర్ఆర్’ అనే అక్షరాలు కలిసొచ్చేలా బలవంతంగా పదాలు ఇరికిస్తూ టైటిళ్లు పెట్టడం, వివిధ భాషలకు ఒకే టైటిల్ కాకుండా మార్పులు,  గందరగోళం, నార్త్ ఆడియన్స్ కోసం హిందీలో కాకుండా ఇంగ్లిష్లో టైటిల్ పెట్టడం ఇలా అన్నీ కూడా  కనెక్ట్ కాలేదు. ఇలా విశ్లేషిస్తే, మొత్తం మీద జక్కన్న పెట్టిన టైటిల్  మెజారిటీ జనాలకు  నచ్చలేదని తెలుస్తోంది. సోషల్ మీడియాలో తెలుగు జనాలే కాకుండా  మీడియా వాళ్లు కూడా ‘ఆర్ఆర్ఆర్’ అనే పేరునే వాడుతూ,  ఈ సినిమా ముచ్చట్లు చెబుతున్నారు. ఎవ్వరూ పూర్తి పేరునే ఉపయోగించడం లేదు. దీన్ని బట్టి చిత్ర బృందం టైటిల్ విషయంలో ఫెయిలైందని స్పష్టమవుతోంది.  సినిమాలను ప్రమోట్ చేసుకోవడంలో దిట్టగా పేరొందిన జక్కన్న ఇప్పుడు ప్రమోషన్ కోసం తప్పకుండా తన మార్క్ చూపిస్తాడని అందరూ అంటున్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss