Sunday, January 24, 2021

Latest Posts

విప్లవ పాత్రలలో అదరగొట్టిన స్టార్ హీరోయిన్స్

నక్సల్బరీ ఉద్యమం జోరుగా ఉన్న సమయం,దానికితోడు మాస్ ఆడియన్స్ కి దగ్గరవ్వాలని ఉబలాటపడి నక్సలైట్ల పాత్రల్లో నటించడానికి హీరో హీరోయిన్స్ ఎంతో ఇష్టంగా ముందుకొచ్చేవారు. అదొక ట్రెండ్ గా నడిచింది. స్టార్ హీరోలు,హీరోయిన్స్ కూడా నక్సల్స్ పాత్రలో ఒదిగిపోయి వన్నె తెచ్చారు. అతిలోక సుందరి శ్రీదేవి మొదలుకుని చాలామంది వరకూ చాలామంది నక్సల్ పాత్రలు వేశారు. హీరోయిన్స్ లో లేడి అమితాబ్ విజయశాంతి,రోజా చాలా ఉత్సాహంగా నక్సలైట్స్ పాత్రలో నటించారు.

ముఖ్యంగా 90వ దశకంలో క్రేజీ హీరోయిన్ గా పేరుతెచ్చుకున్న శ్రీదేవి హిందీ మూవీలో నక్సల్ పాత్ర పోషించగా, అది తెలుగులో నక్సలైట్ దుర్గ పేరిట అనువదించారు. ఆ ఆతర్వాత సూపర్ కృష్ణ కంచు కాగడా మూవీలో ఇదే తరహా పాత్ర పోషించి శ్రీదేవి అందరినీ మెప్పించింది. ఆతర్వాత విజయశాంతి నక్సల్స్ పాత్రలో నటించింది. అందుకు తార్కాణం ఒసేయ్ రాములమ్మ మూవీ. దర్శకరత్న డాక్టర్ దాసరి నారాయణరావు డైరెక్ట్ చేసిన ఈ మూవీ ఎంతటి పెద్ద హిట్ అయిందో చెప్పక్కర్లేదు. ఆతర్వాత అడవిచుక్క మూవీలో ఇదే తరహా పాత్రలో మెప్పించింది.

తర్వాత రోజా కూడా నక్సల్స్ పాత్రలో ఒదిగిపోయింది. అడవిలో అన్న,స్వర్ణక్క,ఎంకౌంటర్ వంటి చిత్రాలలో నక్సలైట్ పాత్రలో తళుక్కున మెరిసింది. అయితే ఇప్పుడు నక్సలైట్ ఉద్యమం ఏవో కొన్ని ప్రాంతాలకే పరిమితం అయింది. ఇలాంటి పాత్రలో చేసే గట్స్ ఎవరికీ లేవు. నిర్మించేవారు లేరు. అయితే తాజాగా వేణు ఉడుగుల డైరెక్షన్ లో రానా హీరోగా తీస్తున్న విరాటపర్వం మూవీ ని 1990దశకంలో జరిగిన యదార్ధ ఘటన ఆధారంగా తెరకెక్కిస్తున్నారట. సాయిపల్లవి నక్సలైట్ పాత్రలో కనిపిస్తుందట. మరి సాయిపల్లవికి ఎలాంటి ఇమేజ్ వస్తుందో చూడాలి.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss