Thursday, April 15, 2021

Latest Posts

నేడు రాయల్ ఛాలెంజర్స్ ‌తో తలపడనున్న సన్‌రైజర్స్

ఐపీఎల్ 2020 సీజన్‌లో భాగంగా రాయల్ ఛాలెంజర్స్ బెంగళూరు టీమ్‌ ఈరోజు రాత్రి 7.30 గంటలకి సన్‌రైజర్స్ హైదరాబాద్‌తో ఎలిమినేటర్ మ్యాచ్‌లో తలపడనుంది. 2016లో చివరిగా ప్లేఆఫ్‌లో ఆడిన బెంగళూరు టీమ్. ఫైనల్లో హైదరాబాద్ చేతిలో ఓడిపోయి టైటిల్‌ కలకి దూరమైంది. ఆ తర్వాత వరుసగా మూడు సీజన్లలోనూ కనీసం ప్లేఆఫ్‌కి కూడా బెంగళూరు టీమ్ అర్హత సాధించలేకపోయింది అయితే తాజా సీజన్‌లో ఎట్టకేలకి మళ్లీ ప్లేఆఫ్‌లో అడుగుపెట్టిన ఆర్సీబీ ఈరోజు హైదరాబాద్‌పై మ్యాచ్‌లో గెలిచి మూడేళ్ల నాటి ఓటమికి బదులు తీర్చుకోవాలని ఉవ్విళ్లూరుతోంది. ఎలిమినేటర్ మ్యాచ్ ముంగిట విరాట్ కోహ్లీ మాట్లాడుతూ ”టాప్-4లో నిలిచి మళ్లీ ప్లేఆఫ్‌కి అర్హత సాధించడం గొప్పగా ఉంది. టోర్నీలో ప్లేఆఫ్‌కి చేరడం టీమ్ మొదటి టార్గెట్. ఎట్టకేలకి ఈసారి మా లక్ష్యం నెరవేరింది. ఇదే ఊపులో ప్లేఆఫ్‌లో ఆడతాం. 2016లోనూ మేము ప్లేఆఫ్‌కి చేరాం. కానీ అప్పుడు ఏం జరిగిందో మీ అందరికీ తెలుసు. ఇప్పుడు టీమ్‌లోని అందరూ చాలా ఉత్సాహంగా ప్లేఆఫ్‌ మ్యాచ్ కోసం ఎదురుచూస్తున్నారు. కెప్టెన్‌గా నాకు కూడా మూడేళ్ల తర్వాత మళ్లీ బెంగళూరు టీమ్ ప్లేఆఫ్‌కి చేరడం హ్యాపీగా ఉంది” అని విరాట్ కోహ్లీ వెల్లడించాడు. తాజా సీజన్ లీగ్ దశలో రెండు సార్లు హైదరాబాద్, బెంగళూరు జట్లు తలపడగా.  తొలి మ్యాచ్‌లో బెంగళూరు 10 పరుగుల తేడాతో విజయాన్ని అందుకుంది. ఇక రెండో మ్యాచ్‌లో హైదరాబాద్ 5 వికెట్ల తేడాతో గెలుపొందగా. ఈరోజు మ్యాచ్‌లోనూ సన్‌రైజర్స్ ఫేవరెట్‌గా కనిపిస్తోంది. ఈరోజు మ్యాచ్‌లో ఓడిన జట్టు ఇంటికి వెళ్లనుండగా. గెలిచిన జట్టు ఆదివారం ఢిల్లీ క్యాపిటల్స్‌తో క్వాలిఫయర్-2లో తలపడనుంది. ఈ మ్యాచ్‌లో గెలిచిన జట్టు నేరుగా మంగళవారం రాత్రి ఫైనల్లో ముంబయితో ఢీకొడుతుంది.

ఇది కూడా చదవండి:

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss