Thursday, May 13, 2021

Latest Posts

అనుబంధ పోషకాహారమే కరోనా పై పోరుకి అస్త్రం

Supplementary nutrition is the axiom for fighting corona

మహమ్మారి కరోనా వైరస్ కట్టడికి వాక్సిన్ వచ్చేవరకూ యుద్ధం తప్పదు. ఎన్నో పరిశోధనలు చేస్తున్నారు. అయితే  కరోనా వైరస్‌తో పోరాడే మానవ వ్యాధి నిరోధక వ్యవస్థకు సహాయపడేందుకు విటమిన్ సీ, విటమిన్ డీ, తదితర మైక్రోన్యూట్రియెంట్స్‌తో కూడిన అనుబంధ పోషకాహారాన్ని ఉపయోగించవచ్చునని ఈ అధ్యయనం వెల్లడించింది. అమెరికాలోని ఒరెగావ్ స్టేట్ యూనివర్సిటీ (ఓఎస్‌యూ) పరిశోధకులు చేసిన  ఈ అధ్యయనంలో సౌథాంప్టన్ విశ్వవిద్యాలయం (బ్రిటన్), ఒటాగో విశ్వవిద్యాలయం (న్యూజిలాండ్), మెడికల్ సెంటర్ విశ్వవిద్యాలయం  (నెదర్లాండ్స్) పరిశోధకులు సహకరించారు.   విటమిన్ సీ, విటమిన్ డీ, తదితర మైక్రోన్యూట్రియెంట్స్‌తో కూడిన అనుబంధ పోషకాహారం – కొన్ని సందర్భాల్లో ఈ ఆహారం సిఫారసు చేసిన దాని కన్నా అధిక స్థాయిలో ఉన్నప్పటికీ – కోవిడ్-19తోనూ, అదేవిధంగా ఇతర శ్వాస సంబంధ వ్యాధులతోనూ పోరాడే మానవ వ్యాధి నిరోధక వ్యవస్థకు సురక్షితమైన, సమర్థవంతమైన, తక్కువ ఖర్చుతో కూడిన సాధనం కాగలదని తెలిపింది.

ఓఎస్‌యూ కాలేజ్ ఆఫ్ సైన్స్‌లో బయో కెమిస్ట్రీ, బయో ఫిజిక్స్ ప్రొఫెసర్, అదేవిధంగా లీనస్ పౌలింగ్ ఇన్‌స్టిట్యూట్‌ ప్రధాన పరిశోధకుడు, ఓఎస్‌యూకు చెందిన లీనస్ పౌలింగ్ ఇన్‌స్టిట్యూట్‌కు చెందిన ఆడ్రియన్ గొంబార్ట్  ఈ అధ్యయనం గురించి వెల్లడిస్తూ, అంటు వ్యాధుల వ్యాప్తిని నిరోధించడంలో చేతులు పరిశుభ్రంగా కడుక్కోవడం, వ్యాక్సినేషన్ వంటివాటిని చెప్పడమే కాకుండా   పోషకాహారం గురించి కూడా ప్రజారోగ్య శాఖ అధికారులు స్పష్టంగా సిఫారసు చేయాలన్నారు.  ప్రపంచ వ్యాప్తంగా ఏటా 25 లక్షల మంది శ్వాస సంబంధ అంటు వ్యాధులతో మరణిస్తున్నారన్నారు. వ్యాధి నిరోధక వ్యవస్థకు గట్టి మద్దతు ఇవ్వడంలో మంచి పోషకాహారం పాత్ర చాలా  ఉందన్నారు.

ఈ విషయంలో ఇతర ముఖ్యమైన, చాలా సాధారణమైన సందేశాలతోపాటు పోషకాహారానికి సంబంధించిన సందేశాలను కూడా సమాజానికి అందజేయా లని  ఆడ్రియన్ గొంబార్ట్ సూచిస్తున్నారు. ముఖ్యంగా విటమిన్ సీ, విటమిన్ డీ, జింక్, చేపలలో లభించే ఒమెగా-3 ఫ్యాటీ యాసిడ్, డోకోసాహెక్సాయెనోయిక్ యాసిడ్ వ్యాధి నిరోధక వ్యవస్థను బలోపేతం చేస్తాయన్నారు. వ్యాక్సిన్లు అందుబాటులోకి వచ్చినప్పటికీ, అవి సమర్థంగా పని చేసినప్పటికీ, అవి లోపరహితమైనవి కాబోవని చెప్పారు.

కోవిడ్-19పై పోరాటానికి పరస్పర దూరం పాటించడం, ఆరోగ్యకరమైన, పరిశుభ్రమైన పద్ధతులను పాటించడం, వ్యాక్సినేషన్ వంటివి ముఖ్యమైనవి, సమగ్రమైనవి అని చెప్పారు. వీటితోపాటు అనుబంధ వ్యూహాలు కూడా అవసరమేనని చెప్పారు. పోషకాహారం రూపంలో వ్యాధి నిరోధక వ్యవస్థపై దృష్టి సారించినట్లయితే, చాలా రకాల ఇన్ఫెక్షన్ల ప్రభావాన్ని అత్యంత కనిష్ట స్థాయికి తగ్గించవచ్చునని తెలిపారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss