Wednesday, April 21, 2021

Latest Posts

కరోనా వేళ రోజా వెర్సస్ అనిత 

TDP Anitha counter to MLA Roja over comments on Chandrababu Naidu

రాష్ట్రంలో వైసిపి ప్రభుత్వం ఏర్పడిన నాటినుంచి వైసిపి,ప్రతిపక్ష టిడిపి నేతల మధ్య నిత్యం ఏదో ఒక అంశంపై విమర్శలు,ప్రతివిమర్శలు సహజంగా మారాయి. ఇక కరోనా మహమ్మారి వేళ సైతం ఇరు పార్టీల నేతల నడుమ ముఖ్యంగా రెండు పార్టీల మహిళా నేతల మధ్య ఘాటైన విమర్శలు చెలరేగాయి.  వైసీపీ ఎమ్మెల్యే రోజా టీడీపీ అధ్యక్షుడు చంద్రబాబుపై చేసిన వ్యాఖ్యలపై టీడీపీ మాజీ ఎమ్మెల్యే వంగలపూడి అనిత ఘాటుగా కౌంటరిచ్చారు.

వైసిపి ఎమ్మెల్యే  రోజా మాట్లాడుతూ  ప్రతిపక్ష నాయకుడు చంద్రబాబు రాష్ట్రంలో ఉండకుండా, కనీసం కుప్పంలో కూడా ఉండకుండా హైదరాబాద్‌లో కూర్చోని  ఏపీ నుంచి అమెరికా వరకు సలహాలు ఇవ్వడం దురదృష్టకరమ ని వ్యాఖ్యానించారు.  బాబు సలహాలు  ట్రంప్‌కు అవసరమేమోగానీ, జగన్‌కు అవసరం లేదన్నారు. దీనిపై అనిత స్ట్రాంగ్  కౌంటర్ ఇస్తూ  చంద్రబాబును విమర్శించేముందు వైసీపీ నేతలు పదిసార్లు ఆలోచించుకోవాలన్నారు.   వైసీపీ నేతల తాటాకు చప్పుళ్లకు భయపడేది లేదన్నారు. చంద్రబాబు ఎక్కడున్నారన్నది ముఖ్యం కాదన్నారు.

ప్రజలకోసం పనిచేస్తున్నామా.. లేదా అన్నది ముఖ్యమని అనిత అన్నారు. 150 మంద ఎమ్మెల్యేల భజన చూస్తుంటే… ఏ భజన వాళ్లముందు పనికిరాదని ఎద్దేవా చేశారు.  చంద్రబాబు వల్ల ఉపయోగం లేదని కొంతమంది వైసీపీ నాయకులు మాట్లాడుతున్నారని.. విశాఖలో మెడ్ టెక్ జోన్‌ లేకపోతే పరిస్థితి ఎలా ఉండేదో ఒక్కసారి అర్థం చేసుకోవాల ని ఆమె సూచించారు. లాక్ డౌన్‌కు గౌరవించి చంద్రబాబు హైదరాబాద్‌లో ఉండి ప్రజలకోసం పనిచేస్తున్నారని అనిత స్పష్టం చేశారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss