Tuesday, January 19, 2021

Latest Posts

అంబానీతో ,జగన్ కలయికపై టిడిపి ఫైర్

TDP Leaders Fires On AP CM YS Jagan Meeting with ambani:

కొన్ని ఘటనలు అందరికీ ఆశ్చర్యం కల్గిస్తాయి. కొన్ని ఎందుకు జరిగాయో తెలీదు. సరిగ్గా ఇప్పుడు ముఖేష్‌ అంబానీ తో సీఎం జగన్‌ భేటీ కావడం అందరినీ సహజంగానే ఆశ్చర్యంలో ముంచెత్తింది. అందుకే టిడిపి నేతలు ఫైర్ అవుతున్నారు. ఇంతకీ అంబానీకి ఏ బహుమతి ఇచ్చారని టీడీపీ నేత వర్లరామయ్య ప్రశ్నించారు. మీ ఇద్దరి మధ్య జరిగిన క్విడ్‌ప్రోకో ఏంటని ఆయన నిలదీశారు.

మీ తండ్రిని హత్య చేయించింది రిలయన్స్‌ అని.. రాష్ట్ర వ్యాప్తంగా ఆ కంపెనీపై దాడులు జరిగాయని, ఇప్పుడు అంబానీకి ఎలా స్వాగతం పలుకుతారా అని మరోసారి ప్రశ్నించారు. జగన్‌, అంబానీ మధ్య ఒప్పందం బయటపెట్టాలని వర్లరామయ్య డిమాండ్ చేశారు. కాగా నీతులు మాట్లాడే నైతిక హక్కు వైసీపీకి లేదని, హైకోర్టు చివాట్లు పెట్టినా జగన్‌ వైఖరి మారలేదని మండిపడ్డారు.

మరోపక్క టీడీపీ నేత బుద్దా వెంకన్న స్పందిస్తూ, తండ్రిని చంపినవాడు అని ఆరోపించిన వ్యక్తిని పిలిచి సన్మానం చేసే జబ్బు ఏంటో, లక్షణాలేంటో రీసెర్చ్‌ జరుగుతోందన్నారు. ప్రపంచ శాస్త్రవేత్తలు కరోనాకి మందు కనిపెట్టడం పక్కనపెట్టి సీఎం జగన్‌కి వచ్చిన జబ్బుకి మందుకనిపెట్టే పనిలో ఉన్నారని ఆయన ఎద్దేవాచేశారు. ఆరోజు ఇచ్చిన పిలుపుతో రెచ్చిపోయి రాళ్లేసిన వాళ్లు, ఇంకా జైలు చుట్టూ తిరుగుతున్నారని, తండ్రి పోతేపోయాడు, బడుగు, బలహీన వర్గాలు బలైపోతే మనకేంటి అంటూ జగన్ సన్మానాల్లో మునిగి తేలుతున్నారని ఆయన ఆక్షేపించారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss