Wednesday, April 21, 2021

Latest Posts

జైలుకి తరలించేముందు కోవిడ్ టెస్ట్ తప్పనిసరి చేయాలి

The Covid Test must be made before moving to prison

కరోనా వైరస్ మహమ్మారి ప్రపంచాన్ని వణికిస్తున్న సమయంలో, వివిధ నేరాల్లో అరెస్టయినవారిని జైళ్ళకు తరలించే ముందు చాలా జాగ్రత్తగా వ్యవహరించాలని ఓ సామాజిక కార్యకర్త కోరుతున్నారు. అరెస్టయినవారందరికీ తప్పనిసరిగా కోవిడ్-19 పరీక్షలు చేయించాలని ఆదేశించాలని కోరుతూ జాతీయ మానవ హక్కుల కమిషన్ (ఎన్‌హెచ్ఆర్‌సీ)ని ఆశ్రయించారు. సామాజిక కార్యకర్త విష్ణు కుమార్ గుప్తా బుధవారం న్యాయవాది గౌరవ్ బన్సల్ ద్వారా ఎన్‌హెచ్ఆర్‌సీలో ఓ పిటిషన్ దాఖలు చేశారు. దేశవ్యాప్తంగా వివిధ నేరారోపణలపై చాలా మందిని అరెస్టు చేస్తున్నారని, వీరిని జైళ్ళకు తరలించే ముందు తప్పనిసరిగా కోవిడ్-19 పరీక్షలు చేయించాలని కేంద్ర, రాష్ట్ర, కేంద్ర పాలిత ప్రాంతాల ప్రభుత్వాలను ఆదేశించాలని కోరారు.

ఈ సందర్భంగా గుజరాత్ హైకోర్టు ఇటీవల ఇచ్చిన ఆదేశాలను ప్రస్తావించారు. నిందితులను జైళ్ళకు తరలించే ముందు, వారికి కరోనా వైరస్ సోకలేదని, వారు కరోనా వైరస్ అనుమానిత రోగులు కాదని నిర్థరించుకునే విధంగా సర్క్యులర్ లేదా ఆదేశాలను జారీ చేసే అవకాశాలను పరిశీలించాలని గుజరాత్ ప్రభుత్వాన్ని హైకోర్టు ఆదేశించిందని తెలిపారు.

నిందితులకు కరోనా వైరస్ సోకినట్లయితే, వారిని జైళ్ళకు తరలించినట్లయితే, వారి వల్ల ఆయా జైళ్ళలోని ఖైదీలకు, సిబ్బందికి ఆ వైరస్ సోకే అవకాశం ఉంటుందని వివరించారు. అరెస్టయిన నిందితులకు వైద్య పరీక్షలు చేయించడం తప్పనిసరి చేసే విధానాన్ని తక్షణమే రూపొందించి, అమలు చేయాలని కేంద్ర, రాష్ట్ర, కేంద్ర పాలిత ప్రాంతాల ప్రభుత్వాలను ఆదేశించాలని కోరారు. న్యాయ వ్యవస్థ, పోలీసులు, జైలు అధికారులు కరోనా వైరస్ బారిన పడకుండా ఉండాలంటే ఈ చర్యలు తప్పనిసరి అని పేర్కొన్నారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss