Thursday, May 13, 2021

Latest Posts

ఏపీలో కొత్త నేత కాంగ్రెస్ ని గట్టెక్కిస్తాడా

ఆంధ్రప్రదేశ్ విభజన తర్వాత కాంగ్రెస్ దారుణంగా ఓడిపోయింది. విభజనను జీర్ణించుకోలేని ఎపి ఓటర్లు 2014 ఎన్నికలలో కాంగ్రెస్ చిత్తుగా ఓడిపోయింది. 2019లోనూ కాంగ్రెస్ పార్టీ అడ్రస్ గల్లంతైంది. ఈనేపధ్యంలో కాంగ్రెస్ కి నూతన కమిటీని ఏర్పాటుచేసింది అధిష్ఠానం. దీంతో పీసీసీ అధ్యక్షుడిగా శైలజానాథ్‌ నియమితు లయ్యారు..2019 సాధారణ ఎన్నికల్లో అనంతపురం జిల్లా శింగనమల నుంచి పోటీ చేసిన శైలజానాథ్ ఘోరంగా ఓడిపోయారు. నోటా కంటే ఆయనకు తక్కువ ఓట్లు వచ్చాయి.

అప్పట్లో మొత్తం 1,97,466 ఓట్లు పోల్ అవగా అందులో ఆయన 1,384 ఓట్లు మాత్రమే దక్కించుకున్నారు. ఇక్కడ నోటాకు 2,304 ఓట్లు పడ్డాయి. అంటే నోటాకు వచ్చిన ఓట్లతో పోల్చుకుంటే శైలాజానాథ్‌కు చాలా తక్కువ ఓట్లు రావడం అప్పట్లో చర్చనీయాంశంగా మారింది. ఈ తరుణంలో 2024 ఎన్నికలకు పార్టీని సమయాత్తం చేసే బాధ్యత శైలజానాథ్‌పై అధిష్టానం పెట్టింది. ఇంతకాలం ఏపీ పీసీసీ చీఫ్‌గా రఘువీరారెడ్డి ఉన్నారు. రాష్ట్ర విభజన తర్వాత కాంగ్రెస్ పార్టీని సీనియర్ నేతలంతా వదిలిపోయినప్పటికీ రఘువీరా మాత్రం హస్తం పార్టీలోనే కొనసాగారు.

కాగా ఏపీ కాంగ్రెస్ పార్టీ వర్కింగ్ ప్రెసిడెంట్‌గా డాక్టర్ ఎన్. తులసిరెడ్డి నియమితు లయ్యారు. ప్రస్తుతం ఆంధ్రప్రదేశ్ కాంగ్రెస్ పార్టీ సీనియర్ నాయకులుగా ఆయన ఉన్నారు. గతంలో 20 సూత్రాల అమలు కమిటీ ఛైర్మన్‌గా పని చేసిన తులసిరెడ్డి .. ఎంపీగా, ఎమ్మెల్సీగా కూడా ఎన్నికయ్యారు. రాష్ట్ర విభజన తర్వాత మాజీ ముఖ్యమంత్రి నల్లారి కిరణ్ కుమార్ రెడ్డి స్థాపించిన జై సమైక్యాంధ్ర పార్టీలో చేరారు. అనంతరం జరిగిన పరిణామాలతో తులసి రెడ్డి మళ్లీ కాంగ్రెస్ పార్టీలో చేరారు. గతంలో ఆయన బీజేపీ, టీడీపీలో కూడా కీలక పదవులు చేసారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss