Wednesday, April 21, 2021

Latest Posts

హైపవర్ కమిటీ కీలక నిర్ణయం ఇదే ..

రాజధాని తరలింపు – అమరావతి రైతుల సమస్యలపై తుది నిర్ణయం తీసుకునేందుకు ఏపీ ముఖ్యమంత్రి వైఎస్ జగన్ మోహన్ రెడ్డి సమక్షంలో ఏపీ హైపవర్ కమిటీ తాజాగా మూడోసారి సమావేశం అయింది. ఇప్పటికే మూడు దఫాలుగా సమావేశమైన కమిటీ సభ్యులు ఆ సమావేశాల్లో చర్చించిన అంశాలను సీఎం వైఎస్ జగన్ కు వివరించారు. హైపవర్ కమిటీ తొలి సమావేశంలో జీఎన్ రావు కమిటీ – బోస్టన్ కన్సల్టెన్సీ కమిటీ ఇచ్చిన నివేదికలపై చర్చించింది. రెండో సమావేశంలో రాజధాని రైతుల ఆందోళన – రైతులకు ఏ విధంగా న్యాయం చేయాలి – సచివాలయం ఉద్యోగుల సమస్యలపై చర్చించింది. ఇక మూడో సమావేశంలో అన్ని జిల్లాల అభివృద్ధిపై చర్చించారు.

రాజధాని తరలింపు ప్రక్రియను ఎప్పుడు ప్రారంభించాలి, ఎప్పటిలోగా పూర్తి చేయాలనే అంశంపైనా తాజా భేటీలో ప్రస్తావనకు వచ్చినట్లు తెలుస్తోంది. అమరావతి రైతుల సమస్యలు – వారు లేవనెత్తిన అభ్యంతరాలకు పరిష్కారం – రాజధాని తరలింపు అనంతరం ఉద్యోగులకు విశాఖలో సౌకర్యాలు వంటి అంశాలపై చర్చించారు.

రాజధాని తరలింపును వ్యతిరేకిస్తున్న అమరావతి రైతుల సమస్యలను పరిష్కరించేందుకు సరైన ప్రత్యామ్నాయాలు ఏంటి అనే అంశాలను ముఖ్యమంత్రి జగన్ కు ఈ సమావేశంలో హైపవర్ కమిటీ సభ్యులు వివరించారట.పలు కీలక నిర్ణయాలు తీసుకున్నట్లు టాక్. శనివారం మరోసారి సమావేశం కానుంది. కమిటీ తుది నివేదికకు రూపకల్పన చేసి.. రెండు రోజుల్లో ప్రభుత్వానికి నివేదిక అందజేయనుంది. ఈ నెల 20న దీనిపై కేబినెట్ లో చర్చించి.. తర్వాత అసెంబ్లీ ప్రవేశపెట్టే అవకాశం ఉంది. రాష్ట్రంలోని అన్ని జిల్లాల అభివృద్దే తమ ప్రభుత్వం ధ్యేయం అని మంత్రి బొత్స సత్యనారాయణ ప్రకటించారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss