Thursday, May 13, 2021

Latest Posts

జేఎన్ యూ కేసులో ఖంగు తినే ట్విస్ట్

డిల్లీలోని జేఎన్ యూలో గత ఆదివారం నాటి దాడి, హింస కేసు కి సంబంధించి కీలక మలుపు తిరిగింది. ఈ ట్విస్ట్ బయటపడడంతో అంతా ఖంగుతిన్నారు. గాయపడ్డామని.. తమపై ఏబీవీపీ కార్యకర్తలు దాడి చేశారని ఆరోపించిన విద్యార్థులే అసలు ఈ దాడులకు సూత్రధారులని ఆరోపిస్తూ పోలీసులు అందుకు సంబంధించిన ఆధారాలు బయటపెట్టారు. జవహర్ లాల్ నెహ్రూ యూనివర్సిటీలో జనవరి 5న విద్యార్థులపై దాడితో సంబంధమున్న తొమ్మిది మంది విద్యార్థులను గుర్తించామని డిల్లీ పోలీసు క్రైమ్ బ్రాంచ్ ప్రకటించింది.

సోషల్ మీడియాలో వైరల్ అయిన కొన్ని వీడియోలు – ఫొటోల ఆధారంగా తొమ్మిది మంది విద్యార్థులను పోలీసులు గుర్తించినట్లు క్రైమ్ బ్రాంచ్ డీసీపీ జోయ్ టిర్కీ ప్రకటించారు . వీరిలో విద్యార్థి సంఘం అధ్యక్షురాలు ఆయిషీ ఘోష్ – కౌన్సెలర్ సుచేతా తలు క్దార్ – చున్ చున్ కుమార్ – ప్రియా రంజన్ – డోలన్ సమంత్ – యోగేంద్ర భరద్వాజ్ – వికాస్ పటేల్ – వస్కర్ విజయ్ ఉన్నారు. జనవరి 3 నుంచే క్యాపస్ లో కొంత ఉద్రిక్త వాతావరణం నెలకొని ఉందని జనవరి 5న అది దాడుల రూపంలో బహిర్గతమైందని పోలీసులు వివరించారు

కాగా పోలీసుల ఆరోపణలపై ఆయిషీ ఘోష్ స్పందిస్తూ పోలీసులు చెప్పినంత మాత్రాన ఎవరూ అనుమానితులు కారని అన్నారు. డిల్లీ పోలీసులు ఇలా పక్షపాతంగా ఎందుకు వ్యవహరిస్తున్నారు? ఇప్పటివరకూ నా ఫిర్యాదుపై ఎఫ్ఐఆర్ నమోదు చేయలేదు. నేనెలాంటి నేరం దాడికీ పాల్పడలే దని ఆమె అన్నారు. మరోవైపు పోలీసుల ప్రకటన తరువాత కేంద్ర మంత్రి ప్రకాశ్ జవడేకర్ దీనిపై స్పందిస్తూ, గత 5 రోజులుగా బీజేపీని ఏబీవీపీని నిందించినవారంతా ఏం సమాధానం చెబుతారని ప్రశ్నించారు. లెఫ్ట్ సంఘాలే ముందస్తు పథకం ప్రకారం ఈ దాడికి పాల్పడ్డాయని, వాళ్లు సీసీటీవీలను, సర్వర్లను ధ్వంసం చేశారని ఆయన చెప్పారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss