Sunday, March 7, 2021

Latest Posts

కరోనా దెబ్బకు అమెరికా షట్‌డౌన్‌

US Economy growth shut down due to coronavirus:

కరోనా వైరస్‌ వేగంగా వ్యాపిస్తుండడంతో అమెరికా లో గట్టి చర్యలకు దిగారు. నిజానికి కరోనా బారినపడి అమెరికాలో 64 మంది మృతిచెందారు. పాజిటివ్‌ కేసులు 3,200కు పెరిగాయి. వివిధ రాష్ట్రాల్లో గవర్నర్లు, మేయర్ల ఆదేశాలతో సినిమా థియేటర్లు, ఇతర వినోద వేదికలు, బార్లు, నైట్‌క్లబ్‌లు మూతపడుతున్నాయి. పాఠశాలలకు సెలవులు ప్రకటించారు. మరోవైపు విదేశీ పర్యటనలకు వెళ్లిన అమెరికన్లు హడావుడిగా తిరుగుముఖం పడుతున్నారు.

ఇక ఏప్రిల్‌, మే నెలల్లో 50 శాతం విమానాలను తగ్గిస్తామని యునైటెడ్‌ ఎయిర్‌లైన్స్‌ ప్రకటించింది. కొవిడ్‌-19ను కట్టడి చేయాలంటే 14 రోజులపాటు షట్‌డౌన్‌ అవసరమని శ్వేతసౌధం టాస్క్‌ఫోర్స్‌ సభ్యుడు డాక్టర్‌ ఆంథోని ఫౌసీ అభిప్రాయపడ్డారు. అయితే, పరిస్థితి అదుపులోనే ఉందని, ప్రజలు ఆందోళన చెందాల్సిన అవసరం లేదని అధ్యక్షుడు డోనాల్డ్ ట్రంప్‌ చెప్పారు. ప్రపంచవ్యాప్తంగా కరోనా మృతుల సంఖ్య 7,000 దాటింది. ఇన్ఫెక్షన్‌ కేసులు 1,75,536కు పెరిగాయి.

ఇక ఇటలీలో సోమవారం ఒక్కరోజే కొత్తగా 349 మరణాలు నమోదవడంతో మృతుల సంఖ్య 2,158కి పెరిగింది. చైనా తర్వాత ఇటలీలోనే అత్యధిక మరణాలు సంభవించాయి. ఫ్రాన్స్‌లో కరోనా వ్యాప్తి ఆందోళనకరంగా ఉందని ఆ దేశ జాతీయ ఆరోగ్య సంస్థ ప్రకటించింది. ప్రతి మూడు రోజులకు కేసుల సంఖ్య రెట్టింపు అవుతోందని ఆ సంస్థ అధిపతి జిరోమ్‌ సలొమన్‌ తెలిపారు. బహ్రెయిన్‌లో కరోనాతో 65 ఏళ్ల మహిళ మృతిచెందారు. ఆస్ట్రేలియాలో కరోనా పాజిటివ్‌ కేసుల సంఖ్య 350కు పెరిగింది. యూరోపియన్లతో పాటు ఇండియా సహా పలు దేశాల నుంచి వచ్చే వారిపై బంగ్లాదేశ్‌ 16 రోజుల పాటు నిషేధం విధించింది. ఇరాన్‌లో మరో 129 మంది కరోనాకు బలయ్యారు. దీంతో మృతుల సంఖ్య 853కు చేరింది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss