Sunday, June 13, 2021

Latest Posts

YSRCP MP ఫై మండిపడ్డ TDP పోలిట్‌ బ్యూరో సభ్యుడు వర్ల రామయ్య

YSRCP MP ఫై మండిపడ్డ TDP పోలిట్‌ బ్యూరో సభ్యుడు వర్ల రామయ్య

రాజధాని అమరావతి కోసం ఉద్యమం చేస్తున్న వారిని రెచ్చగొట్టే విధంగా వైఎస్సార్ కాంగ్రెస్ పార్టీ ఎంపీ నందిగం సురేష్ వ్యవహారశైలి ఉందని టీడీపీ పోలిట్‌ బ్యూరో సభ్యుడు వర్ల రామయ్య విమర్శించారు. ‘జగనన్న వదిలిన దళిత బాణం’ ఎంపీ నందిగం సురేష్ అని ఆయన వ్యాఖ్యానించారు. ఆదివారం రాజధాని ప్రాంతంలో ఎంపీ నందిగం సురేష్‌ను మహిళలు అడ్డగించడంపై వివాదం చెలరేగిని విషయం తెలిసిందే. దీనిపై విజయవాడలోని టీడీపీ కార్యాలయంలో వర్ల రామయ్య మీడియాతో మాట్లాడుతూ.. అమరావతి ఉద్యమాన్ని అణచివేయడమే లక్ష్యంగా సురేష్ వ్యవహరిస్తున్నారని ఆరోపించారు.

సురేశ్‌కు సంబంధించిన విజిలెన్స్‌ అండ్‌ ఎన్‌ఫోర్స్‌మెంట్‌ నివేదిక ముఖ్యమంత్రి దగ్గర ఉందని.. అందుకే ముఖ్యమంత్రి వైఎస్ జగన్‌మోహన్‌రెడ్డి చెప్పినట్లు ఎంపీ ఆడుతున్నారని వర్ల రామయ్య విమర్శించారు. మహిళా జేఏసీ నేతలపై నందిగం సురేష్ వ్యవహరించిన తీరు దారుణమన్నారు. మహిళలను ఆయన నోటికొచ్చినట్లు తిట్టారని మండిపడ్డారు. ఎంపీ అనుచరులు మహిళలపై దాడి చేసి అసభ్యకరంగా ప్రవర్తించారని, మహిళల పట్ల వ్యవహరించే తీరు ఇదేనా అని నిలదీశారు.

మహిళలపై దారుణంగా వ్యవహరించిన ఎంపీ నందిగం సురేష్‌ను పోలీసులు అరెస్టు చేయాలని వర్ల డిమాండ్‌ చేశారు. మహిళలకు ఇబ్బంది వస్తే జగనన్న వస్తారని చెప్పిన నగరి ఎమ్మెల్యే రోజా ఈ ఘటనకు ఏం సమాధానం చెప్తారని ప్రశ్నించారు. ఎంపీ సురేష్ ఎస్సీ, ఎస్టీ అట్రాసిటీ చట్టాన్ని దుర్వినియోగం చేస్తున్నారని ఆరోపించారు. ఆయన ఎక్కడ పర్యటిస్తే అక్కడ ఎస్సీ, ఎస్టీ అట్రాసిటీ చట్టాన్ని ఉపయోగిస్తున్నారని విమర్శించారు. ఎక్కడ అడుగు పెడితే అక్కడ అట్రాసిటీ చట్టం పెడతారా అని ప్రశ్నించారు.

ఇది కూడా చదవండి:హామీ నెరవేర్చే దిశగా జగన్

ఎంపీ సురేష్ వంటి వారి వల్లే అట్రాసిటీ చట్టం దుర్వినియోగం అవుతుందని కోర్టులకు ఫిర్యాదులు వస్తున్నాయని వర్ల రామయ్య వ్యాఖ్యానించారు. చట్టాలపై ఎంపీ సురేష్ అవగాహన తెచ్చుకోవాలని సూచించారు. ఆయన వస్తుంటే కొందరు ఆందోళన చెందుతున్నారని, ఎక్కడ అట్రాసిటీ చట్టం కింద కేసు పెడతారోనని భయపడుతున్నారని విమర్శించారు. ఎంపీ పదవిని ఎస్సీ, ఎస్టీల అభ్యున్నతి కోసం ఉపయోగించాలని కోరారు.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss