Vizag Steel Plant In Huge Profits
విశాఖపట్నం స్టీల్ ప్లాంట్ రాష్ట్రీయ ఇస్పాట్ నిగమ్ లిమిటెడ్ (ఆర్‌ఐఎన్ఎల్)లో ప్రైవేటీకరన చేయడానికి నరేంద్ర మోడీ ప్రభుత్వం ప్రయత్నం చేస్తుంది. అయితే అది నష్టాల్లో నడుస్తుందనే కారణంతో ఈ ప్రయత్నం చేసింది కేంద్రం. అయితే ఇప్పుడు ఈ సంస్థ యొక్క కార్మికులు సంస్థను తిరిగి లాభాలలోకి తీసుకువచ్చారు.
ఆర్‌ఐఎన్ఎల్ చైర్మన్ మరియు మేనేజింగ్ డైరెక్టర్ పి కె రాత్ ప్రకారం, కంపెనీ గత నాలుగు నెలల్లో రూ .740 కోట్ల భారీ నికర లాభాన్ని ఆర్జించిందట, ఇది స్టీల్ ప్లాంట్ ప్రారంభమైనప్పటి నుండి నాలుగు నెలల్లో వచ్చిన అధిక లాభం గా చెబుతున్నారు. 2020 డిసెంబర్‌లో కంపెనీ నికర లాభం రూ .221 కోట్లు, ఈ ఏడాది జనవరిలో రూ .134 కోట్లు, ఫిబ్రవరిలో రూ .165 కోట్లు, మిగిలినవి మార్చిలో వచ్చినట్లు సమాచారం.
“కంపెనీ ఇంత భారీ లాభాలను ఆర్జించడం ఇదే మొదటిసారి” అని ఆయన తెలిపారు. 2020-21 మధ్యకాలంలో కంపెనీ రూ .18,000 కోట్ల టర్నోవర్ సాధించింది, ఇది ఏర్పడిన తరువాత రెండవ అత్యధిక టర్నోవర్ గా సమాచారం. స్టీల్ ప్లాంట్ 13 శాతం వృద్ధి రేటును నమోదు చేసింది. మార్చిలో మాత్రమే ఇది 3,11 కోట్ల రూపాయల వ్యయంతో 7.11 లక్షల టన్నుల ఉక్కును విక్రయించింది, ఇది ఇప్పటివరకు సాధించిన ఉత్తమ రికార్డు ”అని రాత్ చెప్పారు.
“వైజాగ్ స్టీల్ ప్లాంట్ కార్మికులకు ఒక అవకాశం ఇస్తే, తిరిగి ఈ సంస్థ యొక్క ఆర్ధిక స్థితిని మార్చగలమని దానిని తిరిగి లాభాలలోకి తీసుకురాగలమని కేంద్రానికి చూపించాలన్నదే మా యొక్క ఉద్దేశ్యం అని”, ఒక ట్రేడ్ యూనియన్ నాయకుడు చెప్పారు.
ఇవి కూడా చదవండి: