Thursday, January 28, 2021

Latest Posts

లాక్ డౌన్ లెక్క చేయని రాజకీయ వ్యూహకర్త ప్రశాంత్ కిషోర్

prashant kishor fly to kolkata under lockdown :

భారత దేశం అంతా లాక్ డౌన్ ఉన్న ఈ సమయంలో లాక్ డౌన్ నియమాలను ఉల్లంగించి ఎన్నికల వ్యూహకర్త ప్రశాంత్ కిషోర్ విమానంలో ప్రయాణం చేశారా. గుట్టు చప్పుడు కాకుండా కార్గో విమానంలో బెంగాల్ కు వెళ్ళారా దీనిపై కేంద్ర ప్రభుత్వం విచారణ జరుపుతుంది. ఎన్నికలలో వివిధ పార్టీలకు గెలుపు మంత్రాలు బోధించే ప్రశాంత్ కిషోర్ కరోనా సమయంలో వివాదంలో చిక్కుకున్నారు. దేశ వ్యాప్తంగా లాక్ డౌన్ నియమాలు అమలులో ఉండడంతో అన్ని రకాల ప్రయాణాలపై కేంద్రప్రభుత్వం నిషేధం విధించింది. అత్యవసరాల వస్తువుల రవాణాకు మాత్రమే అనుమతినిచ్చింది.

ఐతే కార్గో విమానంలో ప్రశాంత్ కిషోర్ బెంగాల్ కు వెళ్లినట్టు వార్తలు గుప్పుమన్నాయి. దీనిపై కేంద్ర ప్రభుత్వం విచారణ జరుపుతుంది. ప్రస్తుతం బెంగాల్ ప్రభుత్వానికి కేంద్రానికి మధ్య కరోనా వివాదం కొనసాగుతుంది. కరోనా మరణాల లెక్కల విషయంలో బెంగాల్ వాస్తవాలను దాచిపెట్టినట్టు ఆరోపణలు ఎదుర్కొంటుంది. మమతా బెనర్జీ అనుమతి నిరాకరించినా కేంద్ర బృందం కోల్ కత్తాలో అడుగు పెట్టింది. బీజేపీకి కౌంటర్ ఇచ్చే ఆలోచనలో దీదీ ప్రశాంత్ కిషోర్ ను హుటా హుటిన కోల్ కత్తా రమ్మని చెప్పినట్టు సమాచారం. బీజేపీయేతర పక్షాలకు సలహాలు సూచనలు ఇచ్చే ప్రశాంత్ కిషోర్ కార్గో విమానంలో కోల్ కత్తా వెళ్లినట్టు విమర్శలొస్తున్నాయి. కొన్ని రోజులుగా ఢిల్లీ నుంచి బెంగాల్ కు వెళ్లిన విమానాలను DGCA అధికారులు పరిశీలిస్తున్నారు. ఎయిర్ పోర్టులో సీసీ టీవీ ఫుట్ ఏజ్ లను చెక్ చేస్తున్నారు.

ఢిల్లీ, కోల్ కత్తా విమానాశ్రయాల్లోకి ప్రశాంత్ కిషోర్ వచ్చారా లేదా అనే ఫుట్ ఏజ్ ను కూడా సేకరిస్తున్నారు. అయితే ప్రశాంత్ కిషోర్ ఆరోపణల్ని కొట్టిపారేస్తున్నారు. తానూ దొడ్డి దారిలో ఎక్కడికి వెళ్లలేదని స్పష్టం చేశారు. లాక్ డౌన్ కి ముందు మార్చ్ 19 న మాత్రమే తాను విమాన ప్రయాణం చేశానని ప్రశాంత్ కిషోర్ తెలిపారు. అయితే కార్గో విమానంలో కాకుండా రోడ్ మీదుగా బెంగాల్ వెళ్ళారా అన్న ప్రశ్నకు ప్రశాంత్ కిషోర్ సమాధానము ఇవ్వ్వకపోవడం ఆశ్చర్యాన్ని కలిగిస్తుంది.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss