Sunday, January 24, 2021

Latest Posts

మెగాస్టార్ అలాంటి పాత్రను ఎందుకు ఒకే చేస్తున్నట్టు! 

Why Megastar chiranjeevi is playing such a role

స్వయం కృషితో తెలుగు ఇండస్ట్రీలో ఎదిగిన మెగాస్టార్ చిరంజీవి   ఇండస్ట్రీకి వచ్చి 40 ఏళ్లు దాటుతోంది. చిరు సినిమాల్లో పాటలు,ఫైట్స్ కి ప్రాధాన్యత ఎక్కువగా ఉంటుంది. చిరు స్టెప్స్ కి అందరూ చిందేయ్యల్సిందే. ఒకరు,ఇద్దరు ,ముగ్గురు హీరోయిన్స్ తో కూడా కొన్ని సినిమాల్లో జోడి కట్టి రఫ్ ఆడించాడు. ఇప్పటికే  151 సినిమాలు పూర్తి చేసాడు. తనకంటూ ఇండియన్ సినిమాలో ప్రత్యేకమైన చరిత్ర సృష్టించాడు.  60 ఏళ్ల వయస్సు  దాటినా కూడా ఏమాత్రం జోరు తగ్గకుండా  వరస సినిమాలు చేస్తున్నాడు. అయితే తాజాగా ఒప్పుకున్న సినిమాలో ఓ విచిత్రమైన పాత్ర చేయబోతున్నాడట. ఇందుకు సంబంధించిన ఓ వార్త వైరల్ అవుతోంది.  ప్రస్తుతం కొరటాల శివ దర్శకత్వంలో ఆచార్య సినిమాతో చిరు  బిజీగా ఉన్నాడు. ఈ చిత్ర షూటింగ్ కూడా సగానికి పైగా పూర్తయింది. లాక్ డౌన్ నేపథ్యంలో ఆగిపోయిన ఈ మూవీ  తర్వాత మిగిలిన భాగం కూడా పూర్తవుతుంది.

ఇక  మెగా పవర్ స్టార్ రామ్ చరణ్ ఇందులో నటిస్తున్నాడు. అయితే ఆర్ ఆర్ ఆర్ మూవీలో చేసున్న చెర్రీ ఆచార్యలో చేయడానికి   రాజమౌళి కూడా అనుమతి ఇచ్చేసాడు. ఇందుకోసం  నెల రోజుల కాల్షీట్స్ చెర్రీ ఇచ్చాడు. లాక్ డౌన్ తర్వాత చెర్రీ  పార్ట్ కూడా వీలైనంత త్వరగా పూర్తి చేయాలని డైరెక్టర్   కొరటాల చూస్తున్నాడు.  ఇక ఈమూవీ  తర్వాత లూసీఫర్ రీమేక్ లో  మెగాస్టార్  చేయబోతున్నాడు. సాహో దర్శకుడు సుజీత్ దర్శకత్వంలో ఈ మూవీ చేయడానికి  ఇప్పటికే కథ కూడా సిద్ధం అయింది. అయితే తెలుగు ప్రేక్షకుల అభిరుచికి తగ్గట్లు రీమేక్ లో  కొన్ని మార్పులు కూడా చేస్తున్నాడు. ఇందుకోసం వీడియో కాల్‌లో చిరు, సుజీత్ మాట్లాడుకుంటూ, అవసరమైన  మార్పులు చేర్పులు  కూడా చర్చిస్తున్నారు.

ఇక  ఈ సినిమా ఒరిజినల్ వర్షన్‌లో మోహన్ లాల్, పృథ్వీ రాజ్ హీరోలుగా నటించారు. ఇందులో మోహన్ లాల్‌కు హీరోయిన్ ఉండదు. మరి తెలుగులో చిరంజీవి కాబట్టి కచ్చితంగా హీరోయిన్  ఉంటుందని భావిస్తాం. కానీ మెగాస్టార్ ఈ విషయంలో  రిస్క్ తీసుకుని, హీరోయిన్ లేకుండానే లూసీఫర్ రీమేక్ చేయడానికి గ్రీన్ సిగ్నల్  ఇచ్చేసాడని టాక్. అందుకే తెలుగు వర్షన్‌లో మార్పులు చేసినా కూడా  హీరోయిన్‌ మాత్రం ఉండదు. అందుకే ఉన్నదున్నట్లు చేస్తూనే  కాస్త మార్పులు చేయాలని సుజీత్ భావిస్తున్నాడు. ఇదే నిజమైతే, 42 ఏళ్ల కెరీర్‌లో తొలిసారి జోడీ లేకుండా చేసిన మూవీగా లూసిఫర్ రీమేక్ నిలుస్తుందని చెప్పొచ్చు. మరి ఫాన్స్ ఎలా రిసీవ్ చేసుకుంటారో కూడా చూడాలి.

Stay Connected

446FansLike
46FollowersFollow
18,748SubscribersSubscribe

Latest Posts

Don't Miss